في الحلقة ده اتكلمنا عن مفاهيم مهمة هتبقى اكتر وضوحا بعد ما نوصل لجسم افضل وعقل اصفى

حياتك دايما مش هتكون مثالية بس ازاي تكون راضي؟! وايه هي السعادة؟ هل فيه حاجة اصلا اسمها سعادة ولا ده اختراع رأسمالي اخترعه الانسان المعاصر.

اسمع الحلقة الثالثة من كنترول الت ديليت مع فيصل وعبدالرحمن ودايما خليك مسيطر على حياتك

في الحلقة التانية من بودكاست Control Alt Delete عيش الحياة بطريقة مختلفة بعنوان "لو جسمك عافية، دماغك صافية "، اتكلمنا عن إزاي لما تهتم بصحتك وتدخل في فورمة، روحك وعقلك هيكونوا أوضح وهتشوف الأمور بشكل مختلف تمامًا. كمان ناقشنا بعمق مشكلة السلبية الكتيرة اللي حوالينا وإزاي ممكن نتعامل معاها علشان نحافظ على سلامنا الداخلي ونعيش براحة أكتر.

في الحلقة دي مع فيصل، هنناقش إزاي نقدر نتحول من محاولات الريجيم اللي بتيجي وتروح، لأسلوب حياة صحي ودائم.

هنتكلم عن التحديات اللي بتواجهنا في الالتزام وازاي نفسيا وعقليا نفهم ليه بنعمل كده بشكل عملي ومن غير اي مثالية، وإزاي نقدر نلاقي الدوافع اللي تخلي تغييرنا يستمر.

كمان، هنعرف إيه الفرق بين التفكير في الدايت كحل مؤقت والتفكير في الصحة كنمط حياة.

حلقة مليانة أفكار عملية ونصايح واقعية عشان تبدأ التغيير بشكل تدريجي ومستمر، وتوصل لحياة متوازنة وأفضل.