Dastan -e- zindagi

By Ashok Sawhny 'Sahil'

Ashok Sawhny is a keen observer of life. He has a number of published works in English, Hindi and Urdu and in this podcast he narrates his poetry on various observations and thoughts in Urdu.... more

· Arts

Download on the App Store

Download on the App Store

Get it on Google Play

FAQs about Dastan -e- zindagi:

How many episodes does Dastan -e- zindagi have?

The podcast currently has 530 episodes available.

Dastan -e- zindagi episodes:

October 19, 2023 Dard E Dil ka Darma- Part - 4 ,Nazm 1-Yunan 2-Ranj o malaal bohat hain
Yunan
Mehlon mein reh kar dekha jalva hum ne shaan ka
ab dekh le chal kar ’Sahil’ khandar bhi yunan ka
munafiqana hai mizaaj, matloon is insaan ka
Mukhtalif andaaz hai, dil ki ab zabaan ka
Pathar aur Hadid se faqat banti hain deewaaren
Nashiman nahi hota koi, dil ke makaan ka
Khulasa tere khutbe ka kar to lon mein, waiz
Fikar bhi karunga phir, kal ke elaan ka
Jee lo tum saleeqa se, naqash-e pa chhod jao yaaro
Bhoolta hai insaan kyun, kya hota hai nishaan ka
Saari Umar guzari jab, apnon ke liye tune
‘Sahil’ khud bhi le kar dekh le, lutaf chand aan ka
...more
5min
October 19, 2023 Dard E Dil Ka Darma Part - 3 - Nazm 1-Jo hona tha hua 2-Baatein Mohabbat Ki 3-Deen-o-Imaan
Jo hona tha hua
Khamiya e zeh uthaya to kya hua
jo hona tha, so hua, to kya kya hua
na Spas hai duniya phir kya hua
‘Sahil’ mehfil men na bulaya, to kya hua
dil apna, jaan apni, qasoor kis ka
hum ne khud hi dil ganwaya, to kya hua
na koi saaz, na humnawa koi
phir too ne sur men na gaya, to kya hua
har so barbadi, tere shehar men Sheikh
tu ne dasht o sehra sajaya, to kya hua
jab dil hi viraan hai, shajar pasmurdah
hum ne aangan ko sanvara to kya hua
shab hai, shama hai, hijr ka gham hai
na mite gar andhera, to kya hua
tanha hi sahi, karle haasil sukoon
dost na raha yaaro, to kya hua
waqt hamsafar hai jab raah e zeest par
gar kal banay lutera, to kya hua
khogar hai jab jeeney ka, haal men too ‘Sahil’
Maazi ko gar bhula diya, to kya hua
...more
6min
October 19, 2023 Dard - E- Dil Ka Darma - 1-Maa ki Mamta 2-Noor-e-khuda dil mein hai
Maa ki mamta Aayi yaad jab bhi maa ki

Jee bhar kar hum bhi roye
Neend jab aayi udti udti

Haule haule hum bhi soye
anokhi mamta maa ki hai

Jaisi bhi ho, maa hi hai
Gudda gudiya hum sab uske

khil khil who hasati hai
daant dapat kar suna kar lori

pariyon se woh milati hai
jeena mushkil uske bin

yaad uski bohat sataati hai
sunn lo bhaiya baat hamari

maa ki mamta niyaari hai
ruth bhi jaaye , phir bhi woh

pyaar se maanati hai
dil walo tumhe yaad rahe

maa ki mamta lasahni hai
pi jaati hai aansu apne

dukh tanha uthati hai
maa ki jab bhi aayi yaad

mushkil se phir neend aati hai
yaad mein teri ai maa maine

ro kar raat bitai hai
maa ki mamta anokhi hai

“Sahil” bin uske paspaayi hai
...more
6min
October 19, 2023 Dard E Dil Ka Darma - Dil Paak ho Jiska - Part -1
Dil Paak Ho Jiska
Sabr ho tahammul ki rihaaish aaj sitaaron mein hain
Rang gulshan ka dekho chand angaaron mein hain
Husn sitaaron mein nahi ab nazaaron mein hai
Luft khazaan mein na ke bahaaron mein hai
Hua karti thi raunaq nasheman mein kabhi
Aaj jalwa bhi dekho deewaron mein hai
Usey rind na kehna dil jis ka ho paak
Pakeezagi bhi dosto ab maikhvaaron mein hai
Jaandaar they log kisi zamaane mein bahut
Aaj jaan to zyada beemaron mein hai
Bikhra kaisa hai 'Sahil" aaj ka yeh insaan
Sukun dil mein nahin rahguzaaron mein hai

...more
4min
October 16, 2023 Bahot Chhota
Bahot chhota sa farq aur phir woh insan hota hai
Baat sirf imaan ki hai bad gumaan to shaitaan hota hai
Tumhari nazron mein kya hai zaahir hai magar
Tumhaari aankh ka bhi to nigahbaan hota hai
Kar lo jo chaaho zulm mujh per, yeh zameen hai
Bachaane wala muhaafiz to aasmaan hota hai
Alfaaz be jaan o be maani nahin hotey, lekin
Asl matlab to aksar kha-mashi mein bayaan hota hai
Bande, zaum nahin koshish magar tu kar zuroor
Anjaam to aksar raftaar mein pinhaan hota hai
Dil mein basta hai khuda aur ja ba ja uski justaju
Aisa dhundna to mahz raaegaan hota hai
Ragon mein daurte khoon aur dil ke khaanon ko dekh
Baatin mein jhaank ‘sahil’ khuda to wahan hota hai
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,
The author is always open to proposals and can be contacted
via www.ashoksawhny.com
...more
4min
October 16, 2023 Muntazir hai Sawera
Shama na jala ‘Sahil’ khawab bikhar jayenge
Khawab bikhar gaye to hum kidhar jayenge
Cheharon pe na jaa, dilon mein jhaank
Shayad tere bhi tujh ko nazar ayege
Na karna tum raah khumgah ki roshan
Uth gaya parda hum sudher jayenge
Muntazir hai sawera, to soya hai abhi
Aftaab niklne se Gul nikhar jayenge
Khush rakhna lamhon ko farz hai sab ka
Khafa ho lamha to hum mar jayen ge
Itne bhi nahi hum khud gharz, dosto
Koi bula kar to dekhe, hum thehr jayenge
Karle yaqeen ko jagzin too dil mein
Wagerna, tere bhi tujh se mukar jayen ge
Fikr gulon ki kyun, Shams to ayaan hoga hi
‘Sahil’ shua ke nikaltay Gul nikhar jayen ge
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,
The author is always open to proposals and can be contacted
via www.ashoksawhny.com
...more
2min
October 16, 2023 Woh bhi waqt tha
Aaj rang nahi hai ‘Sahil’ aabginon mein
Lahoo sukh chuka hai veraan seenon mein
Chala karti thi Saba har subah kabhi
Ab samoom bhi aaya karti hai mahino mein
Khalal dekhiye is zamrrana ka aaj
Log zeher botay hain sairaab zameenon mein
Insaan ko insaan hi nahi maanta, koi
Phir tafreeq kya kaho pathar aur naginon mein
Inkisari thi bunyaad husn kabhi
Haif! naz o ishva hai ab haseenon mein
Apni duniya ka hungama dekh khudaaya
Qeht bohat hai is daur ke qarinon mein
Kis qader pareshan hai insaan, ‘Sahil’
Khoon bhi shaamil hai aaj ke pasinon mein
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,
The author is always open to proposals and can be contacted
via www.ashoksawhny.com
...more
2min
October 16, 2023 Kabhi Aisi Pilaana
Kabhi aisi pilaana ai pir e mughaan tu
Ba hosh rahun main madhosh reh kar
Taajir banun main to phir aisa banun
Ke khushbu hi bechun itr farosh reh kar
Kaifiyat ho aisi shakhsiyat men meri
Keh dun main sab kuchh, kh- mosh reh kar
Imaandaari ka hota hai vazn to apna
Imaan pukhta rahey be hosh reh kar
Naam khuda ka rahey dil men ta umr
Labon per bhi 'sahil' kh- mosh reh kar
Dard o gham na hota to kya main shaadmaan hota

Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,
The author is always open to proposals and can be contacted
via www.ashoksawhny.com

...more
3min
October 16, 2023 Arzoo Nahin Hai
Aaj fikr hai sab ko Darham o daam ki
Agarche, zaroorat hai
Khabar nahi aaghaaz na hi anjaam ki
Aur na safar hayaat ke kisi gaam ki
Dil mein jo aaya woh kya hum ne
Muntazir na rahey aamdِ payam ki
Pila de saqi, nazron se pila
Chaah nahi hai ab kisi jaam ki
Choo lete hain taare zameen se hum
Zaroorat nahi hai sar-e baam ki
har nafs merg o zeest hai jab
Vaiz, mat kar too baatein Dwam ki
ehtram batin men hota hai, dostoo
qadr kya, kisi zahiri salam ki
Bhuli hai duniya aqeedat ko kaise
Guftagu hai har ja hasrat o kaam ki
‘Sahil’ hon, haasil hai tashfi mujhe
Khwahish nahi Faiz ke naam ki
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,
The author is always open to proposals and can be contacted
via www.ashoksawhny.com

...more
2min
October 16, 2023 Qismat hum se khafa hai
Qismat hum se khafa hai, hum mubtala manaane mein
Waqt kuchh to lagta hai yaro apni baat samjhaane mein
Khuftagi insan ki to bila shak hai uski fitrat
To sotey huay zameer ko phir der na lagey jagaane mein
Khatrnaak hai woh bahot, khatra bhi khud ko zyada
Sarkash ana ko to hain mushkilein jhukaane mein
Hai naazuk woh bahot dhaaga baandhta jo dosti ko hai
Phir ghaflat na ho yaro kabhi haath milaane mein
Rishtah tera ai ‘sahil’ khuda se to mohkam hai zurur
Bhaley shaitaan ho masruf usey roz ba roz mitaaney me

Note;
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,
The author is always open to proposals and can be contacted
via www.ashoksawhny.com

...more
4min

FAQs about Dastan -e- zindagi:

How many episodes does Dastan -e- zindagi have?

The podcast currently has 530 episodes available.