Neste último episodio analizamos o novo paradigma climático dende unha mirada europea e local. Partimos do veredicto do IPCC e a meta de 2030 como horizonte ineludible, exploramos a estratexia europea hacia a neutralidade climática e aterramos en Galicia e Compostela: o reto da auga, o futuro do mar, a prevención de incendios e unha mobilidade verdadeiramente sostible. Un peche que invita a pensar o territorio con ambición, rigor e esperanza.

Unha ollada clara e directa ao novo taboleiro económico global: por que o clima xa é un factor financeiro decisivo, como Europa e China marcan o ritmo e por que a sustentabilidade deixou de ser un discurso para converterse en intelixencia estratéxica e competitividade real.

Hoxe analizamos os límites físicos do modelo actual a través do metabolismo urbano, a nova xeopolítica dos recursos e a ameaza á auga doce causada pola mala xestión dos residuos.

Este primeiro episodio analiza como o carbón e a máquina de vapor impulsaron unha mellora sen precedentes da calidade de vida desde o século XVIII, e como ese mesmo motor xerou unha dependencia estrutural do carbono. Desde as primeiras advertencias científicas de 1912 ata os datos actuais do cambio climático, o capítulo pon contexto ao dilema central do noso tempo: o progreso que nos trouxo ata aquí é tamén o que hoxe debemos repensar.