Ang Mabini National High School ay isa sa mga paaralan sa region 6 na nagunguna sa pagtataguyod ng Farm school sa bansa. Katuwang ng paaralan ang mga guro, mga mag-aaral, mga magulang, at stakeholders sa pagpapalago at pagpapaunlad ng kanilang farm school. Layunin ng farm school na hindi lamang maibigay ang pangangailangan sa pagkain ng mga mag-aaral at ng komunidad kundi maipaalam din ang karunungan at kahalagahan ng agrikultura na magagamit ng bawat isa sa kanilang pang-araw-araw na pamumuhay. Alamin ang buong kwento sa DepEd Philippine Podcast.

Inilunsad ang PALENGKISKWELA Program ng SDO San Fernando, Pampanga sa likod ng mismong palengke upang magsilbing paaralan ng mga kabataan, nagtitinda, naglalako, at kargador na nagtatrabaho rito. Sa ilalim ng Alternative Learning System o ALS, nilalayon ng programang ito na mabigyan ng pagkakataong  makapag-aral ang mga out-of-school youth and adult sa lugar. Alamin ang buong kwento sa DepEd Philippine Podcast.

Viral at trending sa social media ang community pantry sa Kapayapaan Integrated School na inisyatiba ni Teacher Christian Obo. Kanya itong sinimulan noong 2017 na kanyang pinagpapatuloy hanggang sa kasalukuyan upang magsilbing pantawid-gutom ng kanyang mga mag-aaral na walang pambili o baon. Palagi namang sinisiguro ng pamunuan ng paaralan na ligtas at masustansya ang mga pagkaing inihahain sa kanilang mga mag-aaral. Alamin ang buong kwento sa DepEd Philippine Podcast.

Ang Gulayan sa Paaralan Program (GPP) ay programa ng DepEd na naglalayong matugunan ang malnutrisyon ng mga mag-aaral at paigtingin ang produksyon ng gulay at pagkain nito ng mga mag-aaral. Kaya naman inilunsad ito ng Don Luis Consing Elementary School sa Cadiz City, Negros Oriental, upang mabigyan ng malusog at malakas na pangangatawan ang kanilang mga mag-aaral at komunidad at bilang suporta na rin sa School-Based Feeing Program sa bansa.

Ipinamamahagi ng paaralan sa mga mag-aaral, mga guro, at stakeholders ang mga sariwang gulay na kanilang naaani. At para naman lalong mapalawak at mapaunlad ang Gulayan sa Paaralan Program, namamahagi rin sila ng mga buto o binhi sa komunidad upang kanilang maitanim at maani. Kinilala sila bilang nag-iisang Light House School sa buong dibisyon ng Cadiz City at dahil dito, nagsisilbi silang gabay at inspirasyon sa iba pang paaralan, komunidad, at mga tahanan. Alamin ang buong kwento sa DepEd Philippines Podcast.

Upang higit pang mapukaw ang atensyon at gawing kapanpanabik ang bawat aralin sa klase, isinulong ni Teacher Aileen Sto. Domingo ang kaniyang inisyatiba na pagsusuot ng costumes habang face to face nagtuturo sa kaniyang mga estudyante sa Binangonan Elementary School, Binangonan, Rizal. 

Iba’t ibang istilo at diskarte, makapagbigay lamang sa mga estudyante ang dekalidad na edukasyon. Sa muling pagbubukas ng klase, ganyan ang mga guro na maituturing nating mga bayani, mula noon at hanggang ngayon. Alamin ang buong kwento sa DepEd Philippines Podcast.

Muling nagwagi kamakailan lang sa naganap na National Music Competition for Young Artist o NAMCYA ang San Nicolas National High School Cultural Ensemble na dati na ring nagwagi sa nasabing kumpetisyon noong 2018 at 2020. Binubuo ang pangkat ng dalawampung mga mag-aaral mula grade 8 hanggang grade 10 sa ilalim ng special program in the arts ng paaralan. Gamit ang talento sa pag-awit, pagsayaw, at pagtugtog, napapanatili at napagyayabong ng mga mag-aaral ang kulturang kinagisnan, ang kulturang Pilipino.

Sama-sama at nagtutulungan ang mga guro ng paaralan at ang tribo ng mga Mangyan upang mabigyan ng pag-asa at karunungan ang bawat mag-aaral ng tribo. Alamin ang buong kwento sa DepEd Philippines Podcast.

Hindi madaling paglalakbay ang binabagtas para lamang makarating sa paaralan ang mga guro ng Labo Elementaray School sa Bansud, Oriental Mindoro. Linggo-linggong ginagawa ito ng mga guro upang mabigyan ng edukasyon ang mga mag-aaral nilang Mangyan.

Sama-sama at nagtutulungan ang mga guro ng paaralan at ang tribo ng mga Mangyan upang mabigyan ng pag-asa at karunungan ang bawat mag-aaral ng tribo. Alamin ang buong kwento sa DepEd Philippines Podcast.

Sa muling pagbubukas ng mga paaralan sa bansa, inilunsad ng A. Pascual Elementary School ang Brigada Safe (School Advancement for Classroom Ready and Emergency Response) Program upang masiguro ang safe learning space ng kanilang mga mag-aaral at maihanda ang mga guro sa pagresponde sa mga hindi inaasahang sitwasyon sa loob ng paaralan. Alamin ang buong ulat sa DepEd Philippines Podcast.

Nagsimula na ang enrolment noong July 25, 2022 sa mga paaralan sa bansa para sa pagbubukas ng klase sa August 22, taong panuruan 2022-2023. Isa ang Marcelo H. Del Pilar National High School sa mga naghahanda at patuloy na tumatanggap ng mga mag-aaral na nagpapa-enrol ngayon.

Katuwang ng MHDPNHS ang mga guro, mga magulang, mag-aaral, at iba’t ibang mga organisasyon at stakeholderrs sa paghahanda upang maging maayos at organisado ang enrolment at magiging simula ng klase. Alamin ang buong ulat sa DepEd Philippines Podcast.

Hindi matatawaran ang pagsisikap na makatapos ng senior high school sa ilalim ng ICT strand sa Banga National High School ng 65 taong gulang na si nanay Lilia Bereber. Kahit na sa ganitong edad ay pinatunayan niyang walang pinipiling edad at panahon ang edukasyon. Alamin ang buong kwento sa DepEd Philippines Podcast.