भाजपचे जेष्ठ नेते माजी मंत्री एकनाथराव खडसे यांच्या राष्ट्रवादी प्रवेशाच्या चर्चा सूरु असताना खडसे यांनी भाजपच्या सदस्य पदाचा राजीनामा दिल्याची चर्चा रविवारी समाजमाध्यमावर पसरली होती .दरम्यान याबाबत खडसे यांच्याशी अधिक माहिती जाणून घेण्यासाठी संपर्क साधला असता मी अजून भाजपातच आहे असा कोणताही राजीनामा मी दिलेला नाही त्यामुळे माझी अधिकृत भूमिका जाणून घ्यायची असल्यास दोन दिवस वाट बघा मंगळवारी सांगतो असे सांगत खडसे यांनी भाजपच्या सदस्य पदाच्या राजीनामा दिल्याच्या अफवाना पूर्णविराम दिला .

नंदुरबार नगरपालिकेने विरोधकांच्या मागणीवरुन सहा महिन्यांची घरपट्टी माफ केली, असा फलक लावून विरोधकांनी जनतेत संभ्रम निर्माण करण्याचा प्रयत्न केला आहे. मुळात नगरपरिषदेला घरपट्टी माफ करण्याचे अधिकारच नाहीत. त्यामुळे हे फलक त्वरीत काढून हटवावेत, अन्यथा संबंधीतांवर कायदेशीर कारवाई करण्यात येईल, असा इशारा नगराध्यक्षा सौ.रत्ना रघुवंशी यांनी दिला आहे

धुळे तालुक्यातील निमगुळ येथील दोन वर्षीय बालिकेचा संशयास्पद मृत्यू झाल्याची धक्कादायक घटना आज सकाळी उघडकीस आली. या बालिकेचे रात्री घरातून अपहरण करण्यात आले. सकाळी शोध घेतला असता गावाबाहेरील विहिरीत तिचा मृतदेह आढळून आला.

हैदराबादविरूद्धच्या सामन्यात कोलकाताच्या संघाने सुपर ओव्हरच्या माध्यमातून विजय मिळवला. कोलकाताने २० षटकांत १६३ धावांचा पल्ला गाठला होता. या आव्हानाचा पाठलाग करताना हैदराबादने सामना बरोबरीत सोडवला. त्यानंतर झालेल्या सुपर ओव्हरमध्ये फर्ग्युसनने केवळ २ धावा देत २ बळी घेऊन हैदराबादचा डाव संपवला. ६ चेंडूत ३ धावांची गरज असताना इयॉन मॉर्गन-दिनेश कार्तिक जोडीने संयमी खेळी केली. कार्तिकने चौथ्या चेंडूवर दोन धावा काढत विजयाची औपचारिकता पूर्ण केली.

अहमदनगर जिल्ह्यातील ठळक घडामोडी