Mere jism me dil tha ki nahi, saanse chal rahin thee ki nahi, mai khud bhi vahan tha ki nahi

Iska ahsas mujhe tab hua jab husan-e-yaara ke labon ne Mere labon ko choom liya ---fir kiya tha

Maine usse kaha----

Dhadkane dil ki ab thum rahin hain meri

Garm saanse bhi ab jum rahin hain meri

Na satao labon se chhoo ke yoon tum

Khwahisen vasl ki ab badh rahin hain meri

Zindagi chhavn thi Vo mere shauk ka aakhiri jaam thi

Piyaas uski mujhe hr subha sham thi

Jaga karti thi sang vo mere raat bhar

Darmiyan ishq ke kitni masoom thi

Vaade karti thi pakke harek baat pr

Hum chale the jahan

vo kathin thi dagar

Dil do the magar

Pr the hum safar

Mil jate agar

Zindagi chhanv thi

Kiya uske sang guzare vo lamhe....

Vo mahakti subaha

Vo bahakti shaamen

Vo bikhrati raaten

Vo hothon ki narmiyan

Vo saanso ki garmiyan

Vo baahon ki mastiyan

Uske zism ko choo kr

Sulag kr rah gai vo sardiyan

Vo badmashiyan

Aur gustakhiyan

Kiya Bhool sakte ho kabhi.....

Usne apne khat me likha ------

---- ye kaisa piyar hai tera

Bistar me salvaten hi nahi padti

Salvaten pade bhi to kaise

Kiyon ki ---

Tu vahan - mai yahan

Ye kaisa khuda hai mera

Dharti piyas se tadap rahi hai

Aur megh hain ki

barasne ka nam

hi nahi lete

Megh barse bhi to kaise

Kiyon ki

tu vahan - mai yahan

Vo aksar apne khat me likhti thi ki---

----- NAHI KATTI NAHI KATTI

RAATAAN BIN YAARAN TERE

NAHI KATTI NAHI KATTI

Kiya mujhse juda hoke

Roye ho tum kabhi

Aankhon me bhr ke aansoo

Soye ho tum kabhi

Nahi na ------

To --- kabhi aao - kabhi aao - aur dekho

Cheer ke dil mera

Ek toofan sa barpa hai

Aaj bhi mere seene me

Maut ka to pata nahi

Pr tere bagair

mushkilen bahut hain jeene me

Yahi to ek daastan hai

Tere - mere ishq ki

Behad bepanaha aur bevazaha ishq ki

Jo samandar sa bahta hai

Na rukta hai - na thahrta hai kabhi

Dilbar teri yaad me

Dil tadapta hai abhi-----

Neeli jheel ka aqs , raton ki haseen chandni , khwabon ki zamee , wafaon ki haseen waadiyan , jis taraf bhi nazar jaye har uss taraf bepanah husn me machalti qatil adayen ---- kiya kuchh nahi tha usme --- apne masoom lahje me prem ki kisi devi se kam nahi thi vo --------- tabhi to --- vo zawan raten jo uske husn - e - bagwan me guzrin , jab yadon ki bulandiyon se hokar gujarti hain , jab madbhare ahsaason se hokar gujarti hain , jab tan aur man ke rom - rom ko chhoo kr gujarti hain--------

-----kasam se doston kasam se

Na sone deti hain

Kambakhat----na hi rone deti hain

Vo husn aur vo javan raten------

Vo aksar mujhse kaha karti thi-----

Kiyoon farz nibhate ho itna

Kiyoon karz badhate ho itna

Jab pa na sakoge tum mujhko

Kiya dard sahoge mohabbat me

Kiyoon karte ho - Kiyoon karte ho

Badi keemat chukani padti hai

Badi jillat uthani padti hai

Badi musibat hai mohabbat me

Kiyoon karte ho - Kiyoon karte ho

Mai jab aakash jitni anant unchaaiyon pe tha ---tab jakar tumne bataya ki ----prem nahi hai

Shayad isliye ki ---

tumhe unchaaiya pasand thi

aur mujhe tum

Tum zid thi meri

Pr mai tumhari nahi

Mai to aaj bhi tumhari halki si aahat pr hi chaunk padta hoo aise----

RET PR CHAND KI TASVEER

Ho jaise--------

Prem ka seedha sambandh sparsh se hai---sparsh koi bhi ho--- jismani ya mansik ---vah aahat hai prem ki

Kisi ko choone ya sochne se hame jo aanand aata hai vah aanand hi prem hai ---mohabbat hai ishq hai

Aur yahi vah aanand bhi hai jo hame hamare prem ki pahli khabar deta hai

Balki yah kahna bemani nahi hoga ki sparsh hi prem ki bhasha hai

Kishi ke sparsh se jitna adhik aanand aayega-prem bhi utna hi adhik gahra hota chala jayega

Bhoola nahi hoon aaj taK

Holi ka vo faag

Badan ranga tha chahat me

Man me ishq ki aag

Masti aisi mujhe chadhi

Ragad diya gulal

Khula nimantran de rahe the

Gaure gaure gaal

-----------jogeera saara ra ra