My dear Masoom...

kaisi ho ...kaisi ho tum.. Kiya tumhe yaad hain milan ke vo pal,vo din ,vo shaame aur vo raaten...ya bhool chuki ho - vaise mujhe to pahle se hi ehsaas tha ki tum ek din mujhe chhod hi dogi ...aur fhir ek din aakhirkar tumne chhod hi diya aur ab bhool bhi gai ho......magar nahi gai tum mere dil se ,meri yaadon se ,mere zahan se ...magar rah jane jaisa kuchh chhoda bhi to nahi tumne...jab tumne kaha...." kiyon aaye the zindagi me meri " ...shayad isiliye nahi bhool sakta mai tumhe aur tumhare un lafzon ko....

Mana ki piyar ke rishte ki dor kachchi hi hoti hai,magar uski gahrai sagar se kahin adhik hoti hai aur unchai to itni ki himalaya bhi bauna nazar aata hai,aur sachchai itni ki man ka paimana hi use map sakta hai, isilie vahi man uske tootne ya usko bhoolne ke lie kabhi razi nahi hota...

...vo rishta ...jo door rah kr bhi apna sa - majboot sa mahsoos hota hai kabhi kabhi man usi kachchi dor se khinch kr pakki gaanthon me bandh sa jata hai...

Aksar aankhe nam si ho jati hain, achanak hi jindagi bhi kam si ho jati hai, shabd bas use hi khojte hain, use hi dhoondhte hain , har panne par use hi likhte hain..

apne piyar ko khokar bhi ye piyar nibhane vale kabhi likh kar ro lete hain to kabhi dafan kar dete hain dil ki gahraiyon me...koi diariyon aur kitabon me likh kar samet -ta hai ...to koi apni aawaz ke jadoo se use bikherta hai...phir bhi kisi ko kho dene ka gam kam nahi hota ...

jindagi beet jati hai magar siskiyan kam nahi hoti...un geeton ki gungunahat kabhi bedam nahi hoti.....bedam nahi hoti....

Maana ki jo guzar gaya vo laut kar nahi aata insaan ho ya waqt, magar itihaas ke panno se vo kabhi mitta nahi hai, balki man ki bheegi dharti par us tan ko sametne me laga rahta hai jo kisi ke chodh kar jane se aadha rah jata hai-adhoora rah jaata hai, zinda rahte hue bhi mar sa jaata hai...

Raat dhalti rahi-shama jalti rahi

Husn-a-baarish jabardast chalti rahi

Dil milne laga-jism khilne laga

Meri aahon se jab tu sanvarne lagi

Tod bandhan tu saare bikharne lagi

Nasha chaane laga-maza aane laga

Meri baahon me jab tu simatne lagi...

Itihas gawah hain ki ek shakhsh aur ek waqt yehi do gawah hote hain kisi ki mohabbat ke, magar afsos ek mukar jata hai aur ek gujar jata hai-Aur fir ek din dil ke behadh kareeb aur har waqt pani ke ghar me rahne wala aine se bhi nazuk magar ab pathar saa....... wo shakhsh khamoshiyon ka sahara lekar jab dooriyon ko anzaam deta hain tab man ka toota aankhon ke sagar ko aankhon hi aankhon me pee jata hain...........

IS DHARTI PAR JISNE BHI MOHABBAT KI USNE KAHIN NA KAHIN DARD KO JIYA AUR JISNE DARD DIYA IS BEDARD JAMANE NE USE BEGUNAHA SABIT KIYA.........

JAB DOOB JATA HAI KOI KISI KE ISHQ MEIN TAB...LAHOO KA RANG BHI MOHABBAT

BAN JATA HAI........

MERI BATEIN MERE GEET - ANDAZ-E-SHAYRANA "DHADKANE MERI SUN"... BY Rj KAUSHIK