As voces da conciencia é o título de peza interdisciplinar que hoxe ás 22 h repesentan na praza norte da Catedral de Tui Margarida Mariño e Laura Iturralde dentro do programa Mulleres en Acción Violencia Zero da Deputación. Esta mañá falamos con Margarida Mariño.

A escavacións arqueolóxicas realizadas na necrópole de San Bartolomeu en 2016 permiten coñecer como era a sociedade nos séculos do V ao VII e pon no mapa a primeira elite social estudada en España, o que supón un importante fito, e incrementa a relevancia deste lugar. Así o explicaba Patxi Pérez, director da intervención que mañá ás 20.30 h ofrecerá unha conferencia na Aula da UNED e logo realizará unha visita guiada. Será dentro do programa "Coñecer o noso patrimonio" que organiza o Instituto de Estudos Tudenses coa colaboración do Concello de Tui.

O Mercado de Tomiño acollerá o sábado 29 ás 18 h a presentación do libro “Pezas guapas para gaita, zanfona e acordeón” de Xosé Manuel Fernández Muxicas nun acto organizado pola Asociación Cultural Arrotada.

Falamos con autor destes libros e tamén con Xosé Manoel Álvarez de Arroutada.

Obradoiros de teatro, danza, robótica, comic, audiovisual, artítisco manipulativo, skate, natureza e scape room son os que até o 21 de agosto se celebran de luns a venres no Espazo Xove de Tui. Van dirixidos a mozos e mozas de 12 a 16 anos,aínda que se hai prazas vacantes poden participar maiores desta idade. É preciso inscrición previa no propio Espazo na rúa Sanz, no 886 11 07 97 ou en [email protected].

Intensa actividade a que ten por diante esta semana a Banda de Gaitas Arume de Malvas. Esta noite actúan nas festas na súa parroquia, mañá ás 22 h ofrecerán o concerto "Percorrendo Camiños" na Corredoira dentro do IKFEM, e o sábado actuarán xunto a Carlos Núñez en Salvaterra. Así nolo contou o seu director Diego Alonso Vila.

Abraham Martínez, un dos organistas máis recoñecidos a nivel nacional, ofrecerá ás oito desta tarde un concerto no órgano barroco da Catedral de Tui dentro do IKFEM. Coma el mesmo explicaba será un diálogo entre el e o órgano que de seguro sorprenderá ao público.

Mañá estará na praza de San Fernando para brinda coa Fundación Alquimia Mvsicae un espectáculo visual e musical ás 22.30 h

O pianista Daniel Pereira ofrecerá mañá martes ás 19 h na igrexa de San Domingos un concerto, dentro da programación do IKFEM, no que vai interpretar as catro sonatas máis famosas de Beethoven.

Será un concerto especial xa que no mesmo contarase con mochilas vibratorias para que persoas xordas poidan gozar tamén do mesmo coma explicaba Rubén Capelán de ACROPOS.

A Noite Internacional do Miño celebra mañá martes ás 21.30 h no Parque do Laxal en Rebordáns a súa vixésima primeira edición. Farao co folclore de Tahití, África do Sur e Serbia, pero tamén co local da Escola de Baile e Música San Fins, organizadores do evento. Así nolo contaron hoxe Pablo González e Alfonso González da organización.

O Club Náutico San Telmo vai celebrar do 7 ao 11 de agosto a súa VIII Semana Náutica na que nenos e nenas de 7 a 18 anos poderán practicar esquí náutico, wakerboard, paddle surf, rafting, paseo en donuts cun prezo que oscila entre os 10 e os 22 euros. Para todas as actividade é requisito imprescindible saber nada. As persoas interesadas pódense inscribir no 657 87 57 16 ou no correo [email protected]

Antía Muíño, Premio Martín Códax da Música Galega 2022, presentará mañá sábado ás 19 h Es na praza da República da Fortaleza de Valença o o seu álbum debut “Carta Aberta”. Será dentro da programación do IKFEM. Antía Muíño volverá á Eurocidade Tui-Valença en setembro para actuar no MUMI.