Esta mañá achegámonos até o Balcón do IKFEM que cada mañá se abre no xardín do Espazo Xove de Tui para conversar coa directora do festival, Andrea González, e parte das creadoras e creadores que hoxe a partir das 19 h van participar na IKFEM Creativa na vella Ponte Internacional.

En marzo deste ano presentouse oficialmente en Tui o Club Náutico Inclusivo Baixo Miño. Hoxe co seu presidente Marcos Casaleiro coñecemos os seus obxectivos, as actividades que realiza e o convenio que veñen de asinar coa empresa Fibralar.

Hoxe xoves ás 20.30 h terá lugar o concerto inaugural do IKFEM 2023. Será cun concerto moi especial no que a música será interpretada dende a superficie do río cun piano flotante e os músicos sobre a auga. "Dous sistemas solares" brindará esta noite na praia da Mariña unha experiencia máxica coma nos explicaba Mónica Cofino.

O VII Campus de Fútbol Sala Toñín Martín afronta a súa recta final deste 2023 con diversas actividades de visitas. Este ano rexistra record de participación don 117 rapaces e rapazas, 15 monitores e 8 auxiliares , 3 pavillóns e a visita de catro deportistas profesinais. A xogadora internacional Ale de Paz compartiu a mañá hoxe cos participantes, previamente estivo nos nosos estudos xunto a Toñín Martín e Xacobe Morais.

"Dous sistemas solares" é o título do concerto inaugural do IKFEM no que un piano e os músicos flotarán sobre as augas do río Miño.

Debido a esta singularidade e as condicións do río a organización do IKFEM trasladou o lugar do evento á praia da Mariña, a carón das instalacións da Comandancia Naval e do Club Náutico San Telmo, tal e coma confirmaba a súa directora Andrea González.

Iván Alonso, do Piragüismo As Torres Romería Vikinga, proclamouse subcampión de Europa en K1, nunha regata dura e pelexada, cunhas primeiras voltas moi intensas.

En setembro Iván Alonso estará no Mundial na distancia longa, e buscará tamén no selectivo nacional praza na distancia curta. Por diante ten un calendario apretado, pero confirmaba que competirá no Descenso do Miño o 19 de agosto.

Tras proclamarse Campión de Europa de Maratón en C1 hoxe falamos co tudense Manu Garrido, do Club Kaiak Tudense de como foi a regata e das próximas competicións entre as que está o Campionato de España de Pista e o Mundial de Maratón en setembro.

A concelleira de Cultura de Tui, Sonsoles Vicente, destacaba na nosa sintonía que o IKFEM é o primeiro festival internacional da Eurocidade, que chega a súa décimo primeira edición,nas súas data orixinais no mes de xullo. Indicaba que a Ponte Internacional converterase coa IKFEM Creativa no mellor escaparate para a creatividade desta zona. Agarda que o tempo permita disfrutar de toda a programación deste verán na rúa.

Unha ponte de música e de creatividade será a quen tenda dende este xoves e até o próximo martes o festival IKFEM na Eurocidade Tui-Valença. Seis días no que este territorio centrarán as miradas do mundo da cultura. Doce concertos, IKFEM Creatriva na Vella Ponte Internacional, e o Balcón do IKFEM no Espazo Xove, son parte das propostas da programación.

Un barco de madeira, histórico, está realizando paseos especiais polo río Miño, en Tui, e este domingo, pola festividade do Carme volverá a saír. Hoxe falamos sobre esta embarcación e estes paseos con Verónica Gómez, que é a responsable da empresa Río Miño en Barco.