José Carlos Martínez Crespo repite coma candidato do PsdG-PSOE á alcaldía do Rosal. Na rolda de conversas coas persoas que optan ás alcaldías da comarca falamos con él dos motivos polos que se presenta, da súa candidatura, do programa electoral e dos resultados electorais que agardan.

Anxo Baz encabeza a lista do BNG na Guarda. É a terceira ocasión na que se presenta coma candidato á alcaldía. Con el falamos dos motivos polos que encabeza a lista, coma é a candidatura nacionalistas, os proxectos e as expectativas electorais.

O próximo sábado 13 celébrase a XIX Andaina Tudense Solidaria con SOS Tomiño Baixo Miño organizada polo Club Andatui. Será cun percorrido de 23 km. polo Monte Aloia. Hoxe detallaba máis polo miúdo esta proba José Martínez Tato na nosa sintonía.

Celso Rodríguez Fariñas é o candidato Espazo Común, ESCO, á alcaldía da Guarda. Explicaba o obxectivos do seu programa electoral, como é a candidatura que encabeza e que resultados agardan o 28M.

Roberto Carrero é o candidato á alcaldía da Guarda polo Partido Popular. Con el falamos do seu programa electoral, da candidatura e das expectativas nestes comicios municipais.

O Teatro Municipal de Tui acolle este sábado ás 20:00 h o concerto solidario “Fogares SanXe na Música”.

Un evento solidario que ten por obxectivo recadar fondos para poñer en marcha o proxecto Fogares SanXe, centrado na independencia residencial das persoas con algunha discapacidade. Ciano Valcárcel, director do centro guardés, daba os detalles hoxe no programa Día a Día.

A Plataforma en Defensa de Torneiros, a Plataforma Ribadelouro Verde e a Asociación Patrimonial e Etnográfica Acueduto de Caldelas crearon o proxecto “Terra e Auga”, e mañá celebrarán un acto ás 19:00 h na igrexa de San Domingos de Tui.

Manuel Vázquez de la Cruz, integrante deste proxecto, explicou hoxe os detalles.

Rubén López, director do Conservatorio de Música de Tui, detalla como serán as probas de acceso a Grao Elemental para nenos e nenas de entre 8 e 14 anos e que teñen as inscricións abertas até este 19 de maio.

Antonio Lomba é o candidato á alcaldía da Guarda polo PSdG-PSOE. Con el falamos sobre a súa lista, os prinicipais proxectos do programa electoral, e as expectativas nestas eleccións. É a terceira vez que encabeza a lista socialista na vila.

Na rolda de entrevistas previas ás eleccións do 28M, hoxe conversamos con José Manuel Palacín, voceiro e candidato de Converxencia 21 á alcaldía de Tui.