O grupo de teatro San Fins de Rebordáns estreará “A comisión das Valadas” no Teatro Municipal de Tui ás 21 h na segunda xornada da XIII Semana de Teatro Amador.

Juana Dávila e Concha Costa son dúas das integrantes deste grupo teatral, e hoxe explicaron na nosa sintonía o argumento desta obra.

Hoxe é o Día Mundial do Párkinson e, para conmemoralo, a Asociación Párkinson Baixo Miño organiza este sábado diversas actividades con concertos, humor, sorteos, postos de artesanía e comida no Liceo Casino de Tui.

Hoxe comeza a XIII Semana de Teatro Amador no Teatro Municipal de Tui coa obra 'Don Quixote' do grupo de teatro Chirlomirlo de Xuntanza de Randufe, Con dous membros, Manuel Diz e Alberto Sánchez, falamos hoxe. Será ás 21:00 h.

A situación do aparcamento no barrio de Riomuíños tras as obras acometidas no mesmo está a xerar descontento e incertidume entre a veciñanza.

Así nolo contaron hoxe Ángel Sánchez, Maricarmen Pérez, Abilio Costa e Iago González, en representación das persoas do barrios.

Este domingo 16 partirá a Andaina de San Telmo dende a praza da Inmaculada ás 10.00 h, nun percorrido polo río Miño e polo conxunto histórico da cidade. É necesario inscribirse na web andatui.es. Hoxe nos explicou os detalles o seu presidente, José Martínez Tato.

Este domingo día 16 celébrase en Tui o Desfile de Exaltación de Traxes Tradicionais, organizado pola Asociación do Traxe Tradicional de Tui. Arrincará ás 12:30 h dende a Glorieta de Vigo e rematará na Catedral, onte terá lugar a tradicional ofrenda. Hoxe nolo explica Pili Pazo, secretaria da Asociación.

A Banda de Música Popular de Tui inaugura este sábado o seu novo local en Guillarei, logo da reforma acometida. Hoxe falamos co director da banda, Eloy Domínguez, que falaba do necesario desta actuación que permitirá ampliar as súas actividades.

Continuamos a rolda de entrevistas coas candidatas e candidatos á alcaldía dos distintos concellos con Sandra González, candidata do Bloque Nacionalista Galego á alcaldía de Tomiño. Falamos da súa traxectoria política e o seu programa.

Hoxe mantivemos unha entrevista coa concelleira de Cultura, Sonsoles Vicente, sobre a programación das Festas de San Telmo deste ano 2023, que arrincan este sábado día 8 de abril co pregón. Unha das protagonistas desta edición será a música.

Continuamos a rolda de entrevistas coas candidatas e candidatos á alcaldía dos distintos concellos con Lara Meneses, candidata do Partido Popular á alcaldía de Tomiño. Falamos da súa traxectoria política, a lista e o seu programa.