Falamos co alcalde de Tui, Enrique Cabaleiro sobre o Programa Integrado de Emprego que comezará en Tui tras a concesión por parte da Xunta. Deste xeito, 100 persoas de Tui poderán formarse durante un ano de forma individualizada co obxectivo de mellorar a súa empregabilidade.

Comezamos coas entrevistas cos candidatos de cada partido para as próximas eleccións municipais de maio. Hoxe falamos con Nico Montes, candidato polo Partido Popular de Tui.

Mañá terá lugar o acto cívico " Sobredo na memoria 100 anos despois" no Teatro Municipal de Tui ás 19 h. Marga Romero, a presidenta do Instituto de Estudos Agrarios Mártires de Sobredo explicou este e todos os actos polo centenario.

A multipremiada "Hugo" chega mañá, ás 19.30 h , ao Teatro Municipal de Tui d a da compañía Los Náufragos. O seu director Gustavo del Río falounos hoxe desta peza teatral e da acollida que está a ter o espectáculo. As entradas están á venda en tui.gal.

Dar voz ás preocupacións, inquedanzas e propostas da poboación máis nova do municipio é o obxectivo do proceso de dinamización da participación infantil que vén de pór en marcha o Concello de Tui.

A primeira iniciativa levarase a cabo mañá venres ás 11.30 h, cun pleno infantil, no salón de sesións da casa do concello. Hoxe falamos coa concelleira de Igualdade, Ana Mª Núñez, sobre esta iniciativa.

O Nadal está chegando, case un mes é o que queda para ese día tan especial, e hoxe achegámonos ata ACITUI para coñecer qué teñen en mente para esta época. Falamos hoxe con José Díez, o presidente, quen nos adiantou en que están a traballar. Amais, fixemos con el balance da séptima edición do concurso Pinta Tui.

A Asociación Avelaíña cumpre 25 anos e organizará mañá no Teatro Municipal de Tui un acto para adolescentes de centros educativos da comarca sobre saúde mental. Esta mañá falamos con Uxía Rodríguez, educadora social da organización.

Falamos de recordos, do pasado, de fotografías e de palabras que recordan tempos e personaxes dun lugar: o pobo da Gándara e, por extensión, da Guarda.

E falamos dun libro, de “Personaxes e oficios de tradición popular”, elaborado con numerosas fotografías dese pobo, e tamén dos barrios de Pintán e Proba. O autor é Victoriano Rodríguez, con quen falamos hoxe.

Esta mañá falamos con Avelino Martínez, axente da Policía Local de Tui, que detallaba os cortes de tráfico e restriccións na A-55 entre Randufe e Areas.

Hoxe comeza o club de lectura “Tempo de mulleres” ás 19 h no edificio Francisco Sánchez, na Biblioteca Municipal. Neste club, os e as participantes lerán obras escritas por mulleres baixo unha atenta lectura e diálogo, analizándoas e falando sobre elas dende unha perspectiva de xénero.

A escritora tudense Conchi Regueiro será a encargada de dinamizar este club, e con ela falamos hoxe para coñecer todos os detalles.