Mañá xoves, 17 de marzo, ás 18 h na Aula da UNED ten lugar a terceira das charlas programadas no ciclo “Xuntas Aprendemos”. Nesta ocasión será a axente de Igualdade Ana Román quen aborde a “Introdución á igualdade de xénero”. A propia Ana Román explicaba hoxe no programa Día a Día que abordará nesta charla.

Tamén nos acompañou Minerva Ojeda, quen deu conta da acollida que está a ter esta actividade.

SpainMedia, editora entre outras da revista Forbes, pasará a editar tamén agora HighXtar, plataforma de contidos creada polo tudense César Castro. Esta mañá contounos que significa este importante acordo empresarial.

Hoxe coñecemos máis polo muído o labor que realizan en Al-Anon, a asociación de familias de persoas alcohólica. Luisa explicounos a situación das familias.

A empresa mitad tudense mitad viguesa Somos Océano chegou a un acordo de colaboración co museo de Estrela Galicia. Ana Carpinteiro e Fran García contáronnos en qué consiste e que supón para eles este importante paso. Os catro novos calcentíns están á venda no Museo de Estrella Galicia e súa tenda on line da marca de cervexa.

"A lingua das bolboretas" é a obra teatral que Sarabela Teatro presenta este venres, ás 21 h, no Teatro Municipal de Tui. Fernando Dacosta, actor protagonista, falábanos hoxe deste espectáculo.

As entradas están á venda en www.tui.gal aos prezos de 10 € e 8€.

Poder canalizar a axuda local á poboación ucraína de xeito efectivo é o obxectivo da mesa de traballo creada hai quince días no Concello de Tui.

No programa Día a Día para afondar nesta cuestión hoxe acompañáronnos o concelleiro de Servizos Sociais, Ismael Diz, e traballadora Social, Carmen Gonzalez, e a directora do Centro de Protección Internacional que está en Tui, Inma Rodríguez.

“Pangea” é o título da primeira nova da tudense Sara González Piña. Vaino presentar hoxe ás 20 h no Edificio Francisco Sánchez. Hoxe Sara González Piña acompañounos no programa Día a Día para falar do seu libro.

Extender os trens de cercanías entre o Norte de Portugal e Galicia, con paradas en Valença e Tui, é unha das propostas que recolle CCOO no seu plan. Tamén contemplan estender a liña de longa distancia de Lisboa a Vigo-Guixar. Así o explicaba hoxe Antón Conde de CCOO tras os encontros mantidos esta semana co alcalde de Tui, Enrique Cabaleiro, e co presidente da Cámara de Valença, José Manuel Carpinteira.

A Sala Municipal de Exposicións de Tui acolle até o xoves, 24 de marzo, a exposición “Sabores e Aromas de Sefarad. Os segredos da gastronomía xudeu-española” e o título da exposición que até o 24 deste mes se pode visitar na Sala Municipal de Exposicións no Edificio Franscico Sánchez de Tui.

Xorde do libro “Sabores de Sefarad” de Javier Zafra realizado pola Red de Juderías de España.

O propio Javier Zafra explicaba hoxe que coa presenza desta mostra en Tui péchase o círculo aberto hai uns meses co obradoiro sobre a gastronomía sefardí impartido na cidade.

O Partido Popular de Tomiño presentará este sábado, ás 12.30 h, no Hotel Nueva Colina, na praza do Seixo, a súa nova Xestora Local. Precisamente o voceiro popular en Tomiño, Esteban González Miranda, explicaba que na nova xestora hai grandes cambios e novas incorporación.

Por outra parte o PP reclamaba esta semana, en nota de prensa, que se reabra ao tráfico as rúas Gondomar e A Feira. O peche destas rúas por obras, explicaba que está a crear malestar nos comerciantes polas repercusións negativas que este feito está ter nas vendas.