A reperación do acueduto do Pontillón, en Caldelas, chegará ao Parlamento de Galicia a través de tres proposicións non de lei presentadas polo PP, PSOE e BNG, nos que se insta á catalogación e recuperación deste elemento patrimonial. Así o explicaba Silvia Soutelo.

Hoxe, 28 de febreiro, é o Día do Paciente Laringectomizado. Por este motivo falamos con Ánxela Alonso, logopeda. Falamos dos síntomas que poden presentar as persoas cun cancro de larinxe, e tamén coma tras a operación coma poden volver aprender a falar con distintas técnicas.

Hoxe iria Márquez, intérprete de signos, e Soraya Cuña, logopeda, do Centro Anarela faláronnos do Baby Sign ou "Como comunicarte co teu bebé".

Hoxe completamos a rolda de conversas cos grupos políticos presentes na corporación municipal con Enrique Cabaleiro, alcalde de Tui. Con el abordamos distintos temas da actualidade política municipal

A concelleira de Cultura, Sonsoles Vicente, explicou hoxe de novo na nosa sintonía que a falta de participantes foi o motivo que levou a non organizar o desfile-concurso de Entroido deste ano, tras as reunións mantidas coas comparsas. Este martes a cita será musical coa actuación da orquestra Miramar na rúa Compostela a partir das 19 h.

Hoxe e mañá está en Tui a unidade móbil de ADOS, na rúa Casal Aboy a carón do centro de saúde.

Carlos Areal, xefe do servizo de ADOS, explicaba que comeza a recuperarse o número de doazóns tras o bache rexistrado no Nadal e pola pandemia de covid. Lembraba que diariamente precísanse entre 400 e 500 doazón.

No programa Día a Día hoxe realizouse o sorteo de 10 vales de compra de 30€ nos establecementos participantes na campaña "Tui é un amor" organizada polo Concello de Tui coa colaboración de ACITUI e Empretui.

Para realizar o sorteo acompañáronnos Abel Vila de EmpreTui e Juan Carlos Blanco de ACITUI.

No programa Día a Día hoxe visitáronnos o bailarín Dani Rodríguez e Paula Cobián.

Dani Rodríguez comezou a súa formación na Escola de Danza Paula Cobián, e está no último curso do Conservatorio Superior de Danza en Madrid. Este domingo no teatro Jofre no Ferrol actúa con Fran Sieira Compañía de Danza co espectáculo “DeMente” e tamén está a participar na serie que se esta a rodar sobre Miguel Bosé, e ten marcha a súa propia compañía.

Este mércores Minerva Ojeda, coordinadora da Aula da UNED de Tui, presentou o programa "Xuntas Aprendemos" que vai ter lugar na aula tudense os xoves do mes de marzo de 18 a 20 h. Está organizado pola concellería de Igualdade en colaboración coa aula universitaria.

Hoxe abre o prazo de inscrición para os profesionais que desexen participar no MUMI, Encontro profesional das músicas do Miño. Celebrarase o 29 e 30 de setembro e o 1 de outubro, na Eurocidade Tui-Valença. Falamos Diana Martins e Manuel Vicente Roxo desta feira no programa Día a Día.