A Asociación Asistencial SOS Tomiño-Baixo Miño cumpre 13 anos. Hoxe falamos do traballo que están a realizar con José Quinteiro, presidente, e con Jesús Carrera, responsable de comunicación na entidade.

Esta asociación iniciou a súa actividade en Tomiño e hoxe en día presta xa atención en Tui, no Rosal e en Oia. Un labor que non sería posible sen os voluntarios cos que contan. Nestes momentos atenden a 458 persoas de 135 familias.

Co voceiro de En Marea, Laureano Alonso, iniciamos hoxe unha rolda de conversas cos grupos políticos da corporación municipal de Tui. Con el abordamos os asuntos que nos últimos meses foron a pleno, e tamén outros temas da actualidade.

Ás 00 h deste sábado, 12 de febreiro, abre a inscrición para a IX BTT Eurocidade que se vai celebrar o domingo 20 de marzo.

Haberá dous percorrido de 43 e de 70 quilómetros entre o Monte Faro e o Monte Aloia.

A inscrición e toda a información está dispoñible en www.biciosos.gal

Eduardo Fernández, da organización da proba, deunos hoxe todos os detalles.

Mañá sábado, ás 20 h, no Teatro Municipal de Tui, celebrarase un concerto conmemorativo dos 10 anos da Eurocidade Tui-Valença. Correrá a cargo da Orquestra da Academia de Música da Fortaleza de Valença, e da Orquestra do Conservatorio Profesional de Música que na interpretación de "Cubalicia", obra composta por Eduardo Coma, actuará tamén o Quinteto Cimarrón.

Do luns 21 ao venres 25 deste mes, de 10 a 14 h, a aula da UNED de Tui acollerá o curso "Abordaxe terapeútica do alcoholismo". Correrá a cargo de Pablo González Romero, doutor en Psicoloxía Clínica e da Saúde. Hoxe acompañounos no programa Día a Día para falar esta actvidade formativa.

"Educar dende a mesa" é o título da conferencia que mañá xoves, 10 de febreiro, ás 19 h ofrecerá no auditorio de Goián Julio Basulto, dentro da VII Semana da Educación que organiza o Concello de Tomiño. Con el falamos esta mañá no programa Día a Día.

A de hoxe será a segunda xornada da VII Semana da Educación que organiza o Concello de Tomiño este ano baixo o lema de ‘TransFORMANDO a sociedade, educando na diversidade.

Onte José Antonio Fernández Bravo foi o encargado de abrir estas xornadas coma explicaba a alcaldesa, Sandra González, quen destacaba a volta a presencialidade desta actividade.

Tamén valoraba a reunión que mantiveron a semana co secretario de estado de Medio Ambiente Hugo Morán sobre proxecto do parque e a nova ponte peonil transfronteiriza da Amizade entre Tomiño e Vila Nova de Cerveira.

Hoxe e mañá asínanse dous importantes convenios para o Concello de Tui. O primeiro coa Deputación de Pontevedra no marco do programa REACPON para a humanización das rúas Coengo Valiño e Antero Rubín e o segundo mañá con Zona Franca para para a posta en marcha do polígono industrial de Ribadelouro. Sobre estas cuestións a concentración en defensa da Atención Primaria que mañá vai ter lugar en Tui falabamos co alcalde, Enrique Cabaleiro.

Unha Comisión Sanitaria viaxará o próximo domingo 13 de febreiro a Tinduf, aos campamentos de refuxados saharauis. Así nolo contou Maite Isla de SOGAPS, Solidariedade Galega co Pobo Saharauí

Con Javier Penedo membro da recen creada Plataforma de grupos de criadores de animais da preocupación que teñen polo borrador da lei de Protección Animal.