A voceira do BNG Carmen Núñez participou hoxe na rolda de conversas que estamos a manter cos grupos políticos da corporación municipal.

Hoxe Begoña Valdomar, vicepresidenta de AGACS, participará hoxe xunto a José Luís Sánches, directivo da Associaçao de peregrinos “Vía Lusitana”, participarán hoxe ás 19 h no Foro do Camiño Portugués que organiza o Concello de Tui. Con Begoña Valdomar falamos no programa Día a Día.

Esta mañá continuamos, no programa Día a Día, coa rolda de conversas cos voceiros dos grupos políticos da corporación municipal de Tui, que estamos a manter neste mes de febreiro. Hoxe foi a quenda de José Ángel Fernández, voceiro do Partido Popular.

No tempo que cada xoves, quincenalmente, compartimos con Modepen, hoxe estiveron no programa Día a Día, Alfredo Hernández o profesor Xabier Pérez Dávila para falar da Lei de garantía do poder adquisitivo das pensións.

Este venres terá lugar no Licuore, na zona vella de Tui, unha gala solidaria para axudar a recadar os fondos que precisa unha moza tudense, para operarse dunha enfermidade dexenerativa que sofre nos ollos denominada Queratocono. Está pensada para todos os públicos e a apertura de portas será ás 22 h. A entrada terá un prezo de 5€ que serán doados integramente a esta causa.

“As que limpan” é o título da obra que este venres se estrea no Teatro Municipal de Tui con “A Panadaría” en coprodución co Centro Dramático Galego.

Areta Bolado, Noelia Castro e Ailén Kendelman, autoras, directoras e actrices, que hoxe no programa Día a Día nos falaban desta obra.

“Abordaxe terapeútica do alcoholismo” é o ´titulo do curso que a próxima semana vai ter lugar na aula da UNED de Tui. E o 5 marzo comezará o curso “Adolescencia: estratexias para a resilencia e o autoconcepto”. Do mesmo falaba a coordinadora da aula Minerva Ojeda.

Por outra parte avanzaba as xornadas “Aprendamos xuntas” que terán lugar os xoves de 17 a 20 h dende o 3 de marzo, froito da colaboración entre o círculo de Sororidade e a concellería de Igualade.

Este domingo a partir das 18 h no Amazonas en Tui haberá un concerto solidario a cargo de Music for África. Unha porcentaxe das consumicións que se realicen serán para fins solidarios. Así nolo contaron Abel Vila, xerente de Amazona, e Andrés Palacio, do grupo Music for África

Hoxe continuamos no programa Día a Día a rolda de conversas cos grupos políticos da corporación municipal de Tui con José Manuel Palacín, o voceiro de Converxencia 21, C21. Con el repasamos a actualidade política municipal.

No tempo que cada quince días compartimos co grupo Armonía da Asociación de Alcohólicos Anónimos, hoxe Teo presentounos a María e Tina de AL-Anon. Con elas coñecemos o labor que realizan denda esta asociación para axudar as familias de persoas alcohólicas.