Hoxe no programa Día a Día Salvador Martínez, xerente de Mirabel do Rosal, presentábanos a 1º cerveza tostada elaborada con mirabel.

Entrevistamos hoxe o delegado territorial da Xunta en Pontevedra, Luis López, para falar das axudas por importe de 320.000 euros para 40 establecementos de hostalaría do sur da provincia, entre eles algúns do Baixo Miño. Son axudas para o acondicionamento de terrazas e o impulso das vendas a domicilio.

Até o 3 de xuño poden prensentar as persoas ou entidades interesadas, as solicitudes para a nova convocatoria de axudas do GDR para a execución de carácter produtivo e non produtivo. Marco Antonio García, xerente do GDR-14, explicaba os hoxe os detalles desta convocatoria que repartirá 460.000 na zona de influencia da asociación.

Mañá e tamén pasado, en aguas do Río Miño a altura do paseo fluvial de Tui, terá lugar un simulacro de seguridade fluvial conducido pola Armada Española. O exercicio está enmarcado no denominado MARSEC-21 e simulará un accidente no río co obxectivo de coordinar todos os multiples organismos participantes no simulacro. Así no lo confirmaba hoxe o comandante naval do Miño, Juan Díaz.

Alumnos e alumnas do CEIP nº1 de Tui visitaron hoxe o nosos estudio para falar da súa participación no proxecto de Deputación “Depoemprende na escola”.Crearán e xestionarán unha cooperativa durante o curso escolar. A través dela o alumnado elabora produtos artesanais que van vender o día 20 de maio no mercado dos xoves.

Mañá sábado ás 12.30 h na Biblioteca Municipal terá lugar a conferencia “Xela Arias no século XXI” a cargo da escritora Marga do Val. Con ela falabamos hoxe no programa Día a Día. Foi compañeira de xeración e amiga de Xela Arias, a homenaxeada no Día das letras galegas deste ano. Falará na charla da súa experiencia personal con ela e tamén da súa obra, totalmente rompedora coa temática da época.

Falamos hoxe con Marta de Scouts Aloia. Organizan unha recollida de alimentos non perecedoiros para SOS Tomiño Baixo Miño.

Será este sábado en horario de 16h a 20h.

O Concello de Tui abre hoxe o prazo para solicitar as axudas do programa de reactivación económica Reactiva Tui. Destina a estas axudas 238 mil euros con axudas que van dende os 1000 até os 1500 euros. As solicitudes poden presentarse na Sede Electrónica do Concello de Tui. A concelleira de comercio, Ana Núñez, explicabanos hoxe todos os detalles sobre esta convocatoria.

O Balonmán Tui xógase esta fin de semana xunto o Chapela, o Samertolameu e o BM Pabellón, unha praza para a fase de ascenso dende a 1º autonómica feminina á división de honra prata nacional.

Falamos disto co presidente do club, Pablo Rodríguez, quen anunciaba tamén que a fin de semana do 20 de maio xogarase en Tui a final four para o ascenso da segunda autonómica masculina a primeira.

O Concello de Tui celebrará o Día das Letras Galegas cun programa de actividades que comezará este venres e terá o seu dia central o próximo luns. Para falar das citas que teremos nestas vindeiras xornadas visitaban esta mañá o programa Día a Día a concelleira de cultura, Sonsoles Vicente, e o director da Biblioteca municipal de Tui, Rafael Sánchez Bargiela.

Venres 15-"Tui Le"

Sábado 16- Conferencia "Xela Arias no século XXI"

Luns 17- XXII Feira do Libro Galego, espectáculos no paseo da Corredoira