No Rosal non contan con datos concretos sobre o número de casos activos nestes momentos. O municipio aparece hoxe en amarelo no mapa de incidencia nos últimos 7 días. A Ánxela Fernández, a alcaldesa, explicaba que hai que asumir que a situación é moi complicada e hai que ser moi responsables.

A Guarda está en alerta vermella. Os datos dan conta de 16 casos rexistrados dende o venres na localidade, segundo indicaba o alcalde da Guarda, Antonio Lomba, tal e coma lle transmitiron dende o Centro de Saúde. Xa que lamentaba que carecen de datos oficiais do SERGAS, máis aló do mapa que publican na web a diario.

Dende o venres Tomiño está en alerta vermella polo número de casos de COVID19 nos últimos 7 días. Son 29 os casos en Tomiño segundo avanzaba a alcaldesa de Tomiño, Sandra González. Precisaba que no IES Antón Alonso Ríos non hai 7 casos activos e resta só un alumno por incorporarse.

66 casos acumulados nos últimos 14 días e 83 en total é a cifra da incidencia que a covid19 ten en #Tui segundo explicaba o alcalde, Enrique Cabaleiro, quen amosaba a súa preocupación porque o número de casos seguen a aumentar de forma considerable.

Hoxe ás 19.30 h, o teatro municipal de Tui abrirá as súa portas para acoller un novo espectáculo da programación de outono. Será “Só” con Xampatito Pato. Vai dirixido a público familiar. Lembramos que a capacidade do teatro está reducida a 60 espectadores. Falamos có protagonista Jesús Velasco.

Entrevistamos esta mañá en Día a Día, a Concelleira de Comercio, Ana Núñez. Falamos sobre a iniciativa promovida polo Concello de Tui "QueroTui". Parte co obxectivo de pór en valor o comercio, a hostalería e o produto local.

A través de redes Facebook e Instagram Quero Tui levará cabo distintas iniciativas para a visibilización do sector comercial tudense ante os retos aos que se enfronta. A primeira iniciativa deste proxecto é o programa de transformación e dixitalización do comercio e a hostalería local que se levará a cabo en novembro co programa de formación QueroFormación

50 casos positivos por COVID19 é a cifra que rexistra Tui nos últimos 8 días. Así o informaba o doutor Santiago Pose. Tamén daba conta que tanto as residencias de Tui coma de Tomiño non teñen ningún positivo.

En Valença houbo un repunte importante de casos de Covid-19. Actualmente están nos 63 casos activos. Entre o día 30 de outubro e o día 3 de novembro está prohibido o movemento entre concellos en Portugal.

Así o explicou Manuel Lopes está mañá en Día a Día.

No Concello se adoptaron unha serie de medidas para garantir a atención á cidadanía e a continuidade da tramitación administrativa en todos os departamentos no caso de detectarse positivos por COVID19 no persoal municipal.

Unha das medidas é o establecemento de quendas rotatorias e a cita previa. Así o explicaba esta maña o alcalde de Tui, Enrique Cabaleiro. No persoal municipal son xa 4 os positivos rexistrados.

Hoxe, 27 de outubro é o Día do TDAH en España. Entrevistamos a psicóloga xeral sanitaria experta en TDAH, Paula Rodríguez. Hoxe ás 21:00 farán unha charla en directo en instagram (@fdezsastreyrojopsiquiatras e @paula_rodriguez_psicologa) no que estará ela e o psiquiatra Jose Luis Fernandez Sastre sobre o TDHA.