En Tui mantéñense as medidas restritivas de peche perimetral ou peche da hostalería aínda que na fin de semnaa o nivel de alerta pasou a laranxa - hoxe volveu a vermello - coma explicaba o alcalde de Tui, Enrique Cabaleiro. Avanzaba que solicitará a Sanidade a posibilidade de atenuar o peche actual tan estrito. Pero tamén indicaba que olicitará tanto á Policía Local coma á Garda civil maior vixilancia porque teñen denuncias de algún local de hostalería do rural que está aberto cando debería estar pechado.

Analizamos as cifras da COVID-19 na Guarda co seu Alcalde, Antonio Lomba. Os últimos datos falan de 60 casos activos. Aínda que na última semana os contaxios diarios se reduciron, haberá que esperar uns días para apreciar unha baixada considerable dos casos.

O voceiro do PP na corporación municipal de Tui, José Ángel Fernández, destacou a unidade de acción dos distintos grupos do Concello de Tui ante a situación que estamos a vivir derivada da pandemia da COVID 19.

Por outra parte facía unha valoración moi positiva do informe favorable de Urbanismo ao PEPCHA, que permitirá leva a pleno este documento para a súa aprobación definitiva.

A "Explanada do Horizonte" xa está lista para o desfrute da veciñanza do Rosal. Unha reforma integral e mellora paisaxística en Portecelo cunha nova área de esparexemento que tamén acondicionou o tramo do Camiño de Santiago pola costa que pasa polo municipio.

Falamos coa alcaldesa do Rosal e coa arquitecta deste proxecto, distinguido cun dos Premios Gran de Area 2020 de Aportación á Arquitectura dos Colexios de Arquitéctos de Galicia.

Os establecementos comerciais ou de hostalaría que estiveron pechados ou están pechados aboarán unha taxa do lixo de 21,19 no trimestre ou trimestres que estiveron sen actividade. É un importe similar a que se aplica ás vivendas. Así o avanzou o alcalde de Tui, Enrique Cabaleiro, explicando que así o recolle un dos artigos da ordenanza municipal. Para poder contar con esta redución os establecementos deberán descargar un modelo de impreso na web municipal, e cubrilo e despois presentalo no ORAL. Así o avanzou hoxe o alcalde de Tui, Enrique Cabaleiro.

Salceda volve ao nivel vermello no mapa da incidencia da COVID 19. Valoramos os datos coa alcaldesa, Loli Castiñeira, e falamos tamén doutros asuntos coma os dous galardóns que recibiu a localidade no certame "Vilas en Flor".

Situación complicada con respecto á COVID 19 é a que se vive en Valença onde teñen 120 casos. O presidente da Cámara, Manuel Lópes, agarda as últimas medidas tomadas, coma o toque de queda, dean resultados, e descenda o número de persoas afectadas.

O concerto que o grupo Milladoiro ofrecerá este venres en Tui poderá seguirse en directo a través da canle de Youtube e das redes sociais municipais. Así o confirmaba hoxe a concelleira de Cultura, Sonsoles Vicente. Deste xeito dende o Concello buscan poder chegar a un maior número de persoas con este vento, xa que dadas as medidas restritivas establecidas en Tui a capacidade do teatro está limitada a 30 butacas, que están xa esgotadas.

38 casos nos últimos 7 días e un acumulado de 76 nos últimos 14 son as últimas cifras con respecto á incidencia da COVID19 en Tui que facilitaba esta mañá o doutor Santiago Pose.

Conversamos con Ana Núñez sobre o III Plan de Igualdade de oportunidades do Concello de Tui. Tamén sobre a Guía de hostalería e restauración e das 108 primeiras axudas a establecementos e autónomos das Axudas Reactiva.