
Sign up to save your podcasts
Or


Die Monetêre Beleidskomitee het gistermiddag ʼn moeilike besluit gehad. Aan die een kant het Oktobermaand se inflasiesyfer skerp gestyg tot 5,2%, maar dit is steedshoofsaaklik brandstof. As mens geadministreerde pryse uit die prentjie laat, is dit nie duidelik daar daar tweede-rondte oorspoel van hoë brandstofpryse na ander pryse plaasvind nie. Dit lykk ook nie of inflasieverwagtinge al toegeneemhet nie.9 Aan die ander kant is alle aanduidings dat totale vraag plat is. Vir my is die treffende aanwyser kosverkope by Woolies wat afplat. Daardie is die verbruikers wat nog bietjie geld los gehad het wat begin besnoei.
Die rand-dollar wisselkoers was die afgelope jaar minder wisselvallig en van tyd-tot-tyd verbasend sterk. Maar Vrydag het die rand gebokspring en ek wonder sommer hardop wat sou dit verklaar.
Suid-Afrika se hervormingsprogram het op papier werklik momentum. Die kragnetwerk word van Eskom geskei, en die hawens van Transnet. Maar die hervormings wat die versteagter is, het een ding in gemeen: hulle loop deur ons munisipaliteite.
Daar is al baie geskryf en gepraat oor Suid-Afrika se plek in AGOA, maar ons het gisteraand eindelik gehoor dat Suid-Afrika nie meer kwalifiseer vir die tariefkwytskelding onderdie Africa Growth and Opportunity Act nie. Die vraag is, wat beteken dit vir ons uitvoer na die VSA?
Met die MTBPS agter die blad en ʼn bietjie brandstofheffing verligting om die draai kan ons kop op tel en kyk hoe dit met die ekonomie gaan. Ek het die afgelope week ʼn interessantemonetêre beleidsforum bygewoon en wil graag vertel hoe die Reserwebank dinge sien.
Partykeer verstaan mens jou eie probleme beter as jy dit in ander kan raaksien. As jy more wonder hoekom die Minister van Finansies so baie klem lê op die staatskuld en fiskale konsolidasie, kom ons leer ʼn les in Frankryk.
In Februarie maand se Begrotingsrede het die Minister gepraat van ʼn B scenario: ʼn oorlog, duurder olie en hoër rentekoerse. Teen Aprilmaand was dit die realiteit. Die Tesourie sê dat hulle wel hulle belastinginkomste-teikens haal en op koers is om ʼn primêre oorskot op die Begroting te hê, maar ons moet byvoeg die grond onder daardie syfers geskuif het. Gewone Suid-Afrikaners is minder bekommerd oor wat kredietgraderingsagentskappe dink en meer bekommerd oor die brandstofprys en inflasie.
Sjina sê sy ekonomie het in die eerste helfte van 2026 met 4,7% gegroei. Maar die vreemde deel is waarop daardie groei kwansuis gebou is.
My vol program het die Minuut bietjie uitgeklop maar die laaste weke was daar net soveel ekonomiese nuus soos altyd. Luister hier om op te vang met inflasie, rentekoerse, en brandstofprys(verligting?).
Vandag se episode het sy oorsprong in ʼn deurlopende gesprek met Prof Raymond Parsons in die aanloop na die MTBPS in Oktober. Die goeie idees is syne.