Karin en Sonnika gesels oor maniere hoe gesinne in die laaste paar weke van die jaar kan stilstaan en Kersfees vier saam met diegene waarvoor hulle lief is.

Eksamentyd hoef niemand paniekerig te maak nie. Luister saam na praktiese wenke wat Karin en Sonnika deel oor hoe om die laaste eksamens van die jaar te oorleef.

Die manier hoe ons met mekaar praat en hoe ons ons huise inrig, bepaal die atmosfeer waarin ons ons kinders grootmaak. Karin en Sonnika gesels oor praktiese maniere om ‘n liefdevolle en ligte atmosfeer in jou huis te vestig.

Dit maak ‘n ouer-hart baie bekommerd as jy sien jou kind is angstig. Karin en Sonnika gesels oor die oorsake van angs en hoe jy as ouer jou kind kan ondersteun en dit beter verstaan.

Jou vriendelike, sonnige kind kan soms binne drie sekondes so kwaad raak dat jy jou boeglam skrik en nie weet of jy moet terugbaklei of terugstaan nie! Karin en Sonnika gesels oor kwaad as ‘n emosie by kinders en hoe ouers hulle kinders hiermee kan help.

Sonnika gesels met Elize Visser, ‘n berader, oor trauma en hoe dit ons lewens beinvloed. Elize deel ook praktiese raad om trauma in ons lewens te hanteer.

Sonnika Nel gesels met Dr. Zander van der Westhuizen oor die waarde van refleksie. As deel van die NG Tygerpoort se Spring-reeks word die tegniek en proses van refleksie as 'n belangrike "veer" in geestelike veerkragtigheid aangemoedig. In hierdie potgooi kan jy meer leer oor hoe om hierdie tegniek in jou lewe te bemeester!

Zander van der Westhuizen en Schalk van Heerden van die organisasie Betereinders gesels oor ons land. Hierdie potgooi is deel van ons gemeente se reeks "Spring" en vat die gesprek verder oor die tema: "Maak vrede".

www.ngtyger.com

Sonnika gesels met Miana Spies oor die moets en moenies wanneer kinders leer en hoe ouers toetse en eksamens stresvry kan maak vir almal in die huis!

www.ngtyger.com

Jou kind en tegnologie – Sonnika gesels met Dr. Anke Brand oor hoe ouers gesonde grense vir hul kinders kan stel in ‘n wêreld waar tegnologie beide ons vriend en vyand is.