Djöflavarpið

Maggi, Halldór, Tryggvi Páll og Sigurjón settust niður og ræddu málefni líðandi stundar.

Maggi, Björn Friðgeir og Tryggvi Páll settust niður til að ræða frammistöðu United síðustu vikurnar, framtíð Wayne Rooney, stöðu Anthony Martial og Luke Shaw og möguleikana á því að næla í Meistaradeildarsæti.

Maggi, Halldór, Björn Friðgeir og Sigurjón komu saman að þessu sinni og ræddu spilamennsku United undanfarið, stöðuna hjá Morgan Schneiderlin og leikinn framundan gegn Liverpool.

Maggi, Runólfur, Björn Friðgeir og Sigurjón settust niður ræddu málefni líðandi stundar, til dæmis leikinn gegn Arsenal, leikmenn eins og Rooney, Carrick og Memphis, og þau orð sem Mourinho hefur látið falla undanfarið um hugarfar ákveðinna leikmanna.

Smávægileg mistök urðu í upptöku á þessu podkasti sem gerir það að verkum að hljóðgæði eru örlítið lakari en gengur og gerist. Við biðjumst velvirðingar á því!

Þeir Maggi, Tryggvi Páll, Halldór Marteins, Björn Friðgeir og Sigurjón settust niður með Kristjáni Atla hjá kop.is og spjölluðu um leikinn gegn Liverpool á mánudaginn.

Þeir Maggi, Tryggvi Páll og Halldór Marteins og Björn Friðgeir settust niður og tóku upp 27. podkast Rauðu djöflanna.

Spjallað var um spilamennsku liðsins undanfarið sem hefur verið kaflaskipt. Tekinn var snúningur á þriggja leikja taphrinu liðsins og svo sigrinum gegn Leiceister um helgina. Þá var framtíð Rooney, Mata og Blind krufin til mergjar ásamt ýmsu öðru.

Þeir Maggi, Tryggvi Páll og Halldór Marteins, settust niður og tóku upp 26. podkast Rauðu djöflanna.

Spjallað var að sjálfsögðu um spilamennsku liðsins undanfarið og svo var hitað upp fyrir stórleikinn gegn City um helgina, svo fátt eitt sé nefnt.

Síðan Rauðu djöflarnir fóru fyrst í loftið hefur ritstjórnin líklega aldrei verið jafn spennt fyrir komandi tímabili.

Við byrjum þessa upphitun fyrir tímabilið með 25. þætti podkasts Rauðu djöflanna. Maggi, Björn, Sigurjón, Tryggvi Páll, og Halldór Marteins settust niður og rýndu í José, nýju leikmennina og hin liðin

Við spáðum fyrir um lokastöðuna eins og í fyrra og vonum að í þetta sinn standi liðið sem við spáum 19. sæti ekki uppi sem meistarar.

Og síðan settust allir ritstjórar niður og settu væntingar sínar um komandi tímabil í orð!

Loksins komu þeir saman! Maggi, Björn, Sigurjón, Tryggvi Páll, Elvar Örn og svo nýjasti meðlimur ritstjórnar, Halldór Marteins, settust niður og tóku upp 24. podkast Rauðu djöflanna.

Farið var yfir víðan völl í þessum þætti; síðasta tímabil, Paul Pogba, Jose Mourinho, nýju mennirnir og margt annað.

Þeir Tryggvi Páll, Maggi, Björn, Sigurjón og Runólfur mættu til leiks í 23. þættinum af podkasti Rauðu djöflanna.

Rætt var um það sem gerðist á Old Trafford í gær auk þess sem við tókum léttan snúning á Louis van Gaal, tímabilinu og hvað gerist mögulega í sumar. Tæknin var þó eitthvað að stríða okkur í þetta sinn en upptakan klikkaði á lokasprettinum og því er þátturinn styttri en vanalega.