En la 1304-a E_elsendo el la 01.03.2024 ĉe www.pola-retradio.org:

• CED, Centro de Esploro kaj Dokumentado pri Mondaj Lingvaj Problemoj estas la temo de nia interparolo, kiun ni faris kun ĝia direktoro Mark Fettes dum lia lasta vizito en Pollando (interlingvistiko.net).

• En la aktualaĵoj ni informas pri la stato de la eksterlerneja, la t.n. hejma instruado en Pollando; pri medalo Magnus Hirschfeld por la pola esploristo pri homa seksemo kaj seksa edukado profesoro Zbigniew Izdebski; pri Varsovio kaj Krakovo inter kvin polaj eŭropaj urboj aparte vizitindaj por la semajnfina ripozo.

• En la sciencbultena rubriko ni referencas al esploroj de irlandaj sciencistoj pri la longdaŭra kovimo kaj unu el ĝiaj sekvoj la t.n. cerba nebulo.

• Muzike ni pasigas kelkajn minutojn kun ĴeLe kaj ĝia kanto „Mirinda momento” el la albumeto „Stacioj de l’amo”, kiun bitaformate en februaro aperigis Vinilkosmo: https://www.vinilkosmo-mp3.com/eo/kanzono-tradicia-progresiva/%C4%B5ele/5-stacioj-de-lamo.html.

• Nian programinformon akompanas interreta foto rilata al la temo pri la eksterlerneja instruado en Pollando.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.