En la 1282-a E_elsendo el la 10.11.2023 ĉe www.pola-retradio.org:

• Hodiaŭ ni referencas al literaturo en nia programo, prezentante la 140-an fragmenton de la romano „Quo Vadis” de Henryk Sienkiewicz en la E-traduko de Lidia Zamenhof.

• En ampleksa novaĵbulteno ni informas pri polaj urboj klopodantaj pri la titolo de La Kultura Ĉefurbo de Eŭropo; pri la pasonta morgaŭ 105-a datreveno de la regajnita suverenco de Pollando en 1918; pri kolektista monero de Pola Nacia Banko omaĝanta la patriotan Marŝon de Sendependeco (11.11); pri reĝaj rezidejoj kiuj laŭvican fojon malfermis senpage siajn pordojn al la vasta publiko.

• En la sciencbultena rubriko ni informas pri esploroj koncerne la malsaman funkciadon de la homa cerbo dum fizikaj kunvenoj kaj renkontiĝoj sur videoplatformoj.

• En la elsendo ni memorigas la popularan kanton el la periodo de la sendependiĝo de Pollando en 1918 „Mia rosmareno” en la plenumo de la pola ensemblo Es-To. La interreta foto akompananta la programinformon prezentas la lastan kolektistan moneron de la Pola Nacia Banko „Marŝo de Sendependeco”.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.