En la 1284-a E_elsendo el la 20.11.2023 ĉe www.pola-retradio.org:

• Jam la plej proksiman ĵaŭdon komenciĝas la 4-a VK, kadre de kiu nia Redakcio invitas por renkontiĝo kadre de la Movada Foiro, la 23-an de novembro je la 11.00 kaj je la 20.00 horoj laŭ UTC-tempo.

• Niaj antaŭmikrofonaj gastoj estas la renkontitaj dum ARKONES, Francesco Maurelli kaj Sara Spanò el la entrepreno KOSMO, kiuj rakontas pri la projektoj realigataj kunlabore kaj favore al UEA.

• En novaĵbulteno ni informas pri ĉiam pli ofta ebleco ricevi laŭplaĉe longan forpermeson; pri brita distingo por la direktoro de la Muzeo Auschwitz-Birkenau.

• La sciencbultena rubriko estas dediĉita al la esploroj, elmontrantaj ke la ĝis nun reciklinigata plasto ne estas ekologia.

• En la elsendo ni memorigas fragmente la kanzonon de Gianfranco Molle „La kanto de Manjo”. La interreta foto akompananta la programinformon koncernas la miton pri avantaĝo de reciklinigata plasto.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.