En la 1285-a E_elsendo el la 25.11.2023 ĉe www.pola-retradio.org:

• Nia hodiaŭa felietono prezentas la silueton de la mondfama pola pentristino, rekonita kiel la reĝino de art déco, Tamara Łempicka. La populareco de ŝiaj tolaĵoj senĉese kreskas konkerante la publikon kaj gajnante kapturnajn sumojn dum la mondaj artaŭkcioj.

• La komencaj kulturkronikaj informoj rilatas al riĉiĝo de la kolekto de Juna Pollando en Krakovo per la vitraldesegnaĵoj de Józef Mehoffer; al la tolaĵo de Ticiano „Porteto de junulo” en la varsovia Reĝa Kastelo; al pliaj eventoj ligitaj kun Nowosielski-jaro en la apudbjalistoka Supraśl.

• En la E-komunuma segmento ni informas pri UEA-mesaĝo prezentita dum la novembra kunsido de Unesko; pri la programo de la nunjaraj Zamenhof-tagoj en Bjalistoko.

• Muzike akompanas la programon fragmento de la kanzono „Okcitana tarantelo” de la tuluza bando VOJAĜO el ilia bita albumo "Intergalaksia" disponebla ĉe Vinilkomso. La programinformon akompanas la bildo de la tolaĵo de Tamara Łempicka, kiu tolaĵo akiris aŭkcie en 2020  pli ol 16 milionojn da pundoj.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.