En la 1274-a E_elsendo el la 30.09.2023 ĉe www.pola-retradio.org:

• Dum la septembra ARKONES inter multaj partoprenantoj de la evento en Poznano troviĝis ankaŭ Sara Spanò kaj Francesco Maurelli. Koincide dum ĉi tiu semajnfino pasis la sepa datreveno de ilia geedziĝo. Tio estis la okazo por ripeti gratulojn kaj bondezirojn por ilia daŭra kaj feliĉa vivovojo, sed krome retrorigardi por iom paroli pri iliaj komunaj aktivadoj kaj individuaj pasioj.

• En la komencaj aktualaĵoj ni informas pri naturprotekta organizo el Krakovo kandidatigita al la t.n. ekologia Nobel-premio; pri la pasonta la 1-an de oktobro Tago de la Pola Muziko. Krome ni sciigas pri la okazonta la sekvan semajnfinon  bicikla ralio organizata de polaj esperantistoj: https://eventaservo.org/e/60b3e6.

• En nia sciencbultena rubriko vi trovas informon pri brita testo ekzamenanta la subiĝemon al misinformado kaj falsaj informoj, ĉi-jare konfirmita en Usono.

• Muzike ni reĝuas fragmente i.a. la kanzonon de ĴeLe „La vivo estas kolora” el ilia bitigita de Vinilkosmo albumo „Sentokaoso”, de Kajto „Rave kun vi”.

• La akompana interreta foto - prezentanta niajn antaŭmikrofonajn gastojn - reliefe bildigas iun el iliaj komunaj interesiĝoj kaj aktivadoj.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.