- Pulsurin fór upp, og eg mátti yvir til ein mann at forhoyra meg, hvussu eg skuldi bera meg rætt at.

Soleiðis sigur tónleikaúrmælingurin, Andrias Blaasvær. Sunnukvøldið var hann saman við fýra øðrum føroyingum boðin í gallaveitslu á Amalienborg at hátíðarhalda 18 ára føðingardagin hjá Christiani prinsi. Tað, sum hann ikki visti, fyrr enn hann kom inn í sjálvt veitsluhølið, var, at hann skuldi sita við sama borð sum Margreta drotning, Christian prinsur og Ingrid prinsessa.