Eske w te konnen kiyès epi nan ki sikonstan chan sa te konpoze : pa gen mal pou nanm mwen ? (It is wll with my soul ? Pandan wap dekouvri enfòmasyon sa yo, ou va jwenn ankourajman ak konsolasyon nan Bondye. Ou va fè L konfyan nan nenpòt ki trajedi wap travèse nan lavi w. Bondye pou ou. Li pap janm kont ou.

Jezi pa sèlman fè nou pwomès Lap retounen vin chache nou pandan L ap entèsede pou nou devan Papa a, men Li nan nou, Lap travay nan nou. Se Limenm ki veritab Mèt la. Pandan wap dekouvri kòman kretyen yo ap viv fwa yo nan peyi Corée du Nord, nou envite w jwenn ankourajman nan pèseverans yo ak Bondye enfini Bondye.

Pandan nap envite w pou priye pou kretyen kap viv nan Coree du Nord, nan peyi Dayiti, nan Afganistan ak Israel, nap envite w pou kapab aksepte volonte Bondye nan lavi w. Jezi bay nou yon gro egzanp. Lè pou yon te livre l la te rive. Nan jaden jestemani an, Li te mete l apa pou priye Papa a. Li te kite eestad priyè pou sivi a pou L te di Papa, menm lè bagay la rèd, ke se volonte pa l kip ase. Ou vle kite volonte Bondye fèt nan lavi w, fè li konfyans ase nan nenpòt sitiyasyon w ye ? Medite sou sa.

Pandan nap envite w pou priye pou kretyen ki pèsekite yo nan mand lan, sila yo ke pwòp fanmi yo rejte akoz nan Kris la, vin dekouvri bèl esperans sa ki atache a apèl Bondye sou lavi w.

Akoz konfli ame, chanjman klimatik epi kriz sanitè Koronaviris la, sitiyasyon moun ki pòv yo nan mond la nap ogmante. Plis mou nap mouri grangou, plis mou nap bezwen èd pou yo ka kontinye respire. Pandan wap priye pou yo, nap envite w kite Bondye travay nan ou. Wi, Bondye ki te kòmanse travay transfoòmasyon an nan nou an, Li detèmine pou mennen l nan bout li. Li fidèl pou fè sa. Se pou Li kontinye travay sa nan ou atravè meditasyon sa.

Nou konn anpil fwa pran nan fo pwomès kèk moun fè nou ak kèk pawòl benediksyon moun pwononse sou tèt nou. Nou konn tou pran yon pakèt pwomès nan Bib la kòm pwomès pa nou. Nou konn anpil fwa konnen desepesyon lè bagay sa y opa rive reyalize nan vi nou. Nan epizòd sa, nap envite w non sèlman pou konprann pwomès yo nan Bib la, men fè Bondye konfyans ase pou li kanpe avè w pandan wap travèse vale Baka, ki kapab vini nan vi w sou tout kalite fòm. Sa Bondye te fè yè a Li kapab fè l ankò jodia

Pandan wap priye pou tout timoun ak fanm yo itilize kòm zam lagè nan anpil peyi nan mond lan, tankou Nigeria ak Mozambique, nou envite w plase konfyans ou nan Senyè a. Benediksyon pou moun ki mete konfyans yo nan Li. Mete konfyans ou nan moun pa yon bon chwa.

A la bèl sa bèl lè nap sèvi Bondye ak pasyon ! Gen pasyon pou Bondye vle di soufri pou Li, renmen l nan tout dimansyon nan lavi nou. Bondye pa mache kole ak kretyen ki ni frèt ni tyèd. Nan epizòd sa, nou anvite w vin ranpli rezèvwa pasyon w si w santi li bese ak temwanyaj ki kapab ede w fè sa. Se pou Bondye beni w ?

Li pa toujou fasi l pou nou pa enkyete nou. Nou pa toujou gen yon reflèks ki kòrèk nan mitan latroublay. Bondye pa te janm pwomèt nou yon vi ki trankil. Men nan lanmou li li te promèt pou li toujou avèk nou epi ban nou lapè ke li menm sèl ka bay. Anpil kretyen ap viv vi sa nan mitan gwo pèsekisyon. Pandan nap rekonfòte ak temwanyay yo, an nou medite ansanm !

Volonte Bondye pou nou se pou nou sèvi L epi viv avèk jwa epi pasyon. Pandan anpil kretyen ap viv fwa yo nan mond lan ak anpil doulè epi pèsekisyon, Bondye pa sispann ap opere nan mand lan. Li ba yo fòs pou yo kontinye kwè nan Li epi viv yon vi ki epanouyi. Ann medite ansanm!

Ou ka ekri nou sou [email protected]