Hindi madaling ibigay ang tiwala sa isang tao lalo kung nadurog ka na nang unang beses na binigay mo ito. Tulad ng naranasan ni Evelyn, hindi mabubura ng isang sorry ang trauma na inabot niya sa kanyang asawa. Kaya nang muling magparamdam sa kanya ang pag-ibig, imbes na yakapin nang buo, itinulak niya papalayo si Vino. Si Vino na walang sawang sinuyo si Evelyn pero kahit naging sila na, hindi maalis-alis ni Evelyn ang pagdududa. Pakinggan ang kwento ni Evelyn sa Barangay Love Stories.