ആരായിരുന്നു പോപ്പ് ഫ്രാന്‍സിസ്. ഒരു വ്യാഴവട്ടക്കാലം കൊണ്ട് കത്തോലിക്കരുടെയും ക്രൈസ്തവരുടെയും മാത്രമല്ല, മാനവരാശിയുടെ മുഴുവന്‍ ഹൃദയം കവര്‍ന്ന മനുഷ്യന്‍. ജനകോടികളെ കാരുണ്യപൂര്‍വം ചേര്‍ത്തുപിടിച്ച മഹാ ഇടയന്‍. പാപ്പ പകര്‍ന്നുനല്‍കിയ അത്തരമൊരു കാരുണ്യനിമിഷത്തെക്കുറിച്ചാണ് അബുദാബിയില്‍ പ്രവാസിയായി ജീവിക്കുന്ന ജിഗിന റോഷന്‍ ഗോമസ് എഴുതുന്നത്. അബുദാബിയിലെ സെന്റ് ജോസഫ് കത്തീഡ്രലില്‍, പോപ്പ് ഫ്രാന്‍സിസിന്റെ സാന്നിധ്യത്തില്‍ നടന്ന ഒരു അസുലഭ സംഭവത്തെക്കുറിച്ച് 'പാപ്പ, പോപ്പ് ഫ്രാന്‍സിസിനെ വായിക്കാം' എന്ന പുസ്തകത്തില്‍ അവര്‍ എഴുതുന്നു. പുസ്തകത്തിലെ ആ അധ്യായം കേള്‍ക്കാം: