Truecopy THINK - Malayalam Podcasts

സംഗീതം കേവലം വിനോദമല്ല, മറിച്ച് പ്രകൃതിയോടുള്ള സമർപ്പണമാണെന്ന് തെളിയിച്ച അപൂർവ്വ കലാകാരിയാണ് പാർവതി ബാവുൾ. ബംഗാളിന്റെ മണ്ണിൽ നിന്ന് ബാവുൾ സംഗീതത്തിന്റെ ഈടുവെപ്പുകൾ ലോകമെമ്പാടും എത്തിച്ച പെൺ ശബ്ദം. തന്റെ ബാവുൾ യാത്രയെക്കുറിച്ചും ആത്മീയ അനുഭൂതികളെക്കുറിച്ചും സനിത മനോഹറുമായുള്ള അഭിമുഖത്തിൽ മനസ്സ് തുറക്കുന്നു.

ഒരു കാര്യം ഉറപ്പാണ്. അടുത്ത T20 ലോകകപ്പിൽ അതായത് ഓസ്ട്രേലിയ - ന്യൂസീലൻഡിൽ കളിക്കാനുള്ള ടെക്നിക് ഉള്ള രണ്ട് ബാറ്റർമാരേ നമുക്കുള്ളൂ, സഞ്ജുവും ഗില്ലും. ഇവിടെ എന്താണ് ഇവരുടെ ബാറ്റിംഗ് കരുത്ത്? എന്തായിരിക്കും ന്യൂസിലൻഡിലെ ഈ നീണ്ട സീരീസിൽ ഇന്ത്യയുടെ ഭാവി?

കൂടെ ഇപ്പോൾ നടക്കുന്ന സൗത്ത് ആഫ്രിക്ക-ഓസ്ട്രേലിയ ടെസ്റ്റിൽ ആരാണ് യഥാർത്ഥ നായകൻ എന്ന് വിളിച്ചു പറഞ്ഞ ബവൂമയുടെ ജീവിത്തിലെ കയ്പ്പേറിയ പാസ്റ്റും ഡിസ്കസ് ചെയ്യുന്നു, പ്രശസ്ത സ്പോർട്സ് അനലിസ്റ്റ് ദിലീപ് പ്രേമചന്ദ്രനും കമൽറാം സജീവും തിങ്ക് സ്പോർട്ടിൽ.

മുംബൈ നഗരത്തിൻ്റെ മനുഷ്യരെ, സമൂഹത്തെ, രാഷ്‌ട്രീയത്തക്കുറിച്ചൊക്കെയും ഇപ്പോഴും എഴുതിക്കൊണ്ടിരിക്കുകയാണ്, പറഞ്ഞു കൊണ്ടിരിക്കുകയാണ് കെ.സി ജോസ്. അടിസ്ഥാനവർഗ്ഗത്തിൻ്റെതാണ് ആ കഥകൾ മുഴുവൻ. നീണ്ട നീണ്ട പ്രവാസത്തിനൊടുവിൽ നാട്ടിലേക്ക് മടങ്ങേണ്ടി വന്ന, മുംബൈയിലെ സുഹൃത്തുക്കളിൽ ഒരുപാട് പേർ മരിച്ചുപോയെന്ന് പറയുമ്പോൾ കണ്ണു നിറയുന്ന ഒരാൾ. ജോസേട്ടൻ്റെ കഥയുടെ രണ്ടാം ഭാഗം.

വ്യക്തിചരിത്രം ദേശങ്ങളുടെ ചരിത്രമാകുന്ന ഗ്രാൻമ സ്റ്റോറീസ് തുടരുന്നു.

പഴയ ബോംബെയെക്കുറിച്ചും ഇപ്പോഴത്തെ മുംബൈയെക്കുറിച്ചും കുറേ പുസ്തകങ്ങളും ലേഖനങ്ങളും എഴുതിയിട്ടുണ്ട് കെ. സി. ജോസ്. എം. എഫ്. ഹുസൈനേയും ദാവൂദ് ഇബ്രാഹിമിനേയും കണ്ടിട്ടുള്ള ജോസേട്ടൻ. സബർബൻ ട്രെയിനുകൾ, ധാരാവി, അധോലോകം, വടാ പാവ്, ആൻ്റി ബാറുകൾ തുടങ്ങി മുംബൈലുള്ളതെല്ലാം ഈ നീണ്ട സംഭാഷണത്തിലുമുണ്ട്. 40 വർഷത്തിലേറെ മുംബൈയിൽ താമസിച്ച് ജോലി ചെയ്ത തൃശൂർ പ്രവാസി. ഇപ്പോൾ താമസം തൃശൂരാണെങ്കിലും മുംബൈലാണ് അദ്ദേഹത്തിൻ്റെ മനസ്സ്. ആ യാത്രയുടെയും പ്രവാസത്തിൻ്റെയും കഥപറയുകയാണ് ജോസേട്ടൻ. ഇത് ഭാഗം ഒന്ന്. വ്യക്തിചരിത്രം ദേശങ്ങളുടെ ചരിത്രമാവുന്ന കഥ പറച്ചിൽ. ഗ്രാൻ്റമസ്റ്റോറീസ് തുടരുന്നു.

തിരുനാവായയിൽ 2025-ൽ ‘കേരള കുംഭമേള’ എന്ന പേരിൽ അരങ്ങേറിയത്, വിശ്വാസത്തിന്റെ പേരിൽ അരങ്ങേറിയ വൻ സാമ്പത്തിക തട്ടിപ്പായിരുന്നു എന്ന്, അതിന്റെ സംഘാടകർ തന്നെ ഇപ്പോൾ പറയുന്നു. എൽ.ഡി.എഫ് സർക്കാറിലെ ദേവസ്വംമന്ത്രിയുടെ രക്ഷാകർതൃത്വം ഉണ്ടായിരുന്നു എന്നത്, ഈ തട്ടിപ്പിനെക്കുറിച്ച് സർക്കാർ അന്വേഷണം അനിവാര്യമാക്കുന്നു. അതോ, ഇത്തവണ യു.ഡി.എഫ് സർക്കാറിന്റെ ദേവസ്വംമന്ത്രിയുടെ രക്ഷാകർതൃത്വത്തിലാകുമോ ഈ ‘കുംഭ’മേള, വിശ്വാസിസമൂഹത്തെ പറ്റിക്കാൻ പോകുന്നത്?

അപ്രതീക്ഷിതവും നാടകീയവുമായ പുനഃസംഘടനയാണ് വഖഫ് ബോർഡിൽ നടന്നത്. പ്രാതിനിധ്യം നിഷേധിക്കപ്പെട്ട കാന്തപുരം വിഭാഗം പ്രത്യക്ഷ പ്രതിഷേധം പ്രഖ്യാപിച്ചുകഴിഞ്ഞു. സമസ്ത- മുസ്‍ലിംലീഗ് ഭിന്നത, മുനമ്പം വിഷയം, കേന്ദ്ര വഖഫ് നിയമത്തിലെ കുരുക്കുകൾ തുടങ്ങിയ പ്രതിസന്ധികളുടെ പാശ്ചാത്തലത്തിൽ ഈ പുനഃസംഘടന ആർക്കാണ് ഗുണകരമാകുക എന്ന ചോദ്യമുയരുന്നു:മാധ്യമപ്രവർത്തകൻ എം.പി. പ്രശാന്ത് സംസാരിക്കുന്നു.

മുഖ്യ ഇലക്ഷൻ കമീഷണർ ഗ്യാനേഷ് കുമാറിന്റെ രാജിക്കും ഇലക്ഷൻ കമീഷന്റെ പൊളിച്ചെഴുത്തിനും വേണ്ടി തുടങ്ങിയ പ്രതിപക്ഷ - വിദ്യാർത്ഥി- യുവജന സമരം, മോദി ഭരണകൂടത്തിനെതിരായ പ്രക്ഷോഭമായി മാറുമ്പോൾ, അതിന്റെ അടുത്ത ഘട്ടം ഏതേതു തലങ്ങളിലേക്കാണ് വികസിക്കേണ്ടത്? ഇപ്പോഴുള്ള അതേ ഊർജ്ജത്തോടെ സമരത്തിന് എങ്ങനെയാണ് തുടരാനാകുക?

EDITORS ASSEMBLY:

മനില സി. മോഹൻ, കെ. കണ്ണൻ, ടി. ശ്രീജിത്ത്.

എത്ര കാലമായി കണ്ടിട്ട്! ഗാർഡിയോള വീണ്ടും കളികാണാൻ വന്നു. തോറ്റു തുന്നമ്പാടി സിറ്റി. ഗാർഡിയോള മറന്നു, ഇപ്പോൾ ഞാൻ കോച്ചല്ല, അതേ തല ചൊറിച്ചിൽ!

മറുപുറത്തു മോറീഞ്ഞോ. ചിരിയുടെ ലഹരി. ഈയടുത്ത് ഫുട്ബോൾ കണ്ട കിടിലൻ കളി. ഉജ്വലമായ ഒരു തോൽവിയും ഉജ്വലമായ ഒരു വിജയവും ഡിസ്‌കസ് ചെയ്യുകയാണ് പ്രശസ്ത അന്താരാഷ്ട്ര സ്പോർട്സ് അനലിസ്റ്റ് ദിലീപ് പ്രേമചന്ദ്രനും കമൽറാം സജീവും.

കർണ്ണാടക സംഗീതത്തിൽ നിന്ന് ഹിന്ദുസ്ഥാനിയിലേക്കുള്ള യാത്രയെ കുറിച്ചാണ് രമേഷ് നാരായൺ, സനിത മനോഹറുമായുള്ള അഭിമുഖത്തിന്റെ രണ്ടാം ഭാഗത്തിൽ സംസാരിക്കുന്നത്. ഗുരുവായ പണ്ഡിറ്റ്‌ ജസ് രാജിനെ കുറിച്ച്, പ്രിയപ്പെട്ട ഗസൽ ഗായകൻ മെഹ്‌ദി ഹസ്സനെക്കുറിച്ച്, ലിംക ബുക്ക്‌ ഓഫ് റെക്കോർഡിൽ ഇടം നേടിയ അനുഭവത്തെക്കുറിച്ച് അദ്ദേഹം സംസാരിക്കുന്നു.

ഇൻ്റർനാഷണൽ ക്വിസിങ് അസോസിയേഷൻ കേരള ചാപ്റ്ററിൻ്റെ ആദ്യ പ്രസിഡൻ്റും കേരളത്തിൻ്റെ മുൻ ചീഫ് സെക്രട്ടറിയുമായ ഡോ. വി. വേണു ക്വിസിങ് സംസ്‌കാരം കേരളത്തിൽ വ്യാപകമാവേണ്ടതിനെക്കുറിച്ച് സംസാരിക്കുന്നു.