Chegou xuño, e con el a calo... a choiva. Non pasa nada, hoxe tivemos como tema do día ese baile viral que o está a romper: o swish. Eres capaz de facelo? Ana Paula, profesora de baile en Sereas, mostrounos que si sabe no estudo, e xa de paso adiantarnos algunhas cousas da actuación do domingo no auditorio do CVCV.

Tamén conversamos con Maribel sobre a Festa da Cereixa de Beade

Por último, Alberto Cunha desvelounos parte do programa do Casablanca Weekend Fest. Un luxazo falar con el.

Acabas de pasar anos como naufrago nunha illa deserta. Chegas a terra firme e hai unha romería. Danche un vale, pero só un. Hai que escoller unha boa tapa de pulpo ou un plato de churrasco a brasa... Cal colles? O noso tema do día é así de suculento.

Hoxe falamos con Beatriz Alonso, poetisa, e Lois Sío, guitarrista; xuntos forman Poesía Viva. Ámbolos dous están a recorrer os colexios da contorna para recitar poemas musicados contra o bullying. Tocaron en directo no estudo!

O río Mero... ese gran descoñecido que lle costou a nosa locutora Sara Alonso 3.000 euros no Ti verás da TVG. E ti? Acertarias onde está esta corrente de auga?

Hoxe falamos con Kiko da Silva, referente do cómic galego que lanza A viñeta de Schrödinger, unha nova revista en galego dedicada á banda deseñada.

Sendo o sábado a festa da diversidade de Moaña, non quixemos perder a oportunidade de falar con Pablo Ríos, concelleiro de Mocidade, pero que nos contase os entresixos desta cita.

Tamén contamos con Andrea, veciña de Tui, e creadora dun crowdfunding para axudar aos afectados pola explosión na súa vila.

Hoxe falamos do proxecto #composicion365 , unha fazaña obra do gaitero e compositor Isidro Vidal, que está a compoñer unha peza de gaita ao día durante un ano (e xa vai pola metade).

Tamén falamos un anaco con Hugo Cestero, adestrador dos xuvenís de fútbol do CF Valladares que ascenderon tamén a liga nacional. Parabéns!

E preguntamos aos ouvintes sobre a polémica da sanción a Evaristo Páramos, cantante de gatillazo, por ter insultado á policía nun concerto en Jerez de la Frontera a pasada fin de semana.

Hoxe o tema do día xirou arredor das festas do verán. Cal é a túa favorita? Falamos dunhas cantas e non só de Galicia ou de España, tamén do mundo enteiro!

Por outra banda, tivemos a Germán Son coa súa sección dos luns "A Chamada da Cousa", na que quixo falar de Rick & Morty, unha das series de debuxos para adultos máis exitosas da actualidade.

Tamén conversamos con Raúl da Cervecería Nós, que esta fin de semana inaugurará a súa fábrica, e deixarán visitala sempre que un queira. Case nada!

Hoxe foi o día do Orgullo Friki. Quen non o é? Quen non ten a súa cara friki?

Tamén falamos con Santi Almuiña, que este domingo estará a cargo dos grupos que actuarán en Valladares.

Non podía faltar nestas datas unha data con Abel Gallego, un dos responsables do Festival de Cans, que este ano cumple 15 anos e promete achegar miles de persoas ata esta vila de O Porriño.

Como non, temos axenda, carteleira y demais plans que podedes tomar para a fin de semana.

Hoxe o tema do día tratou arredor dos morosos, dos pufos, dos cartos... Algunha vez fixeches un traballo e non te pagaron? Iso lles pasou a Canela Cafuné, unha banda ourensana coa que falamos ao final do programa da difícil situación que afrontan os músicos emerxentes.

Tamén descubrimos o Reiki da man do maestro José Alén que oferta os seus servizos en Valladares.

E con Jose Antonio Azpeitia conversamos con outro visitante que acabou adoptando o galego como lingua propia.

Hoxe falamos das vodas, de que sentimento che ven a cabeza cando recibes a invitación: ilusión ou pereza?

Hoxe falamos con Ana Bringas, profesora da Uvigo que este venres participará nunha charla aquí no CVCV como un exemplo actual de persoa que namorou do galego pero chegou de fóra.

Tamén estivemos con Maribel, membro da directiva do CC de Beade, de cara ao desfile de moda deste sábado.

E como estamos en época de vodas, David Fento, videografo profesional, cóntanos as novas tendencias neste ámbito.

Revisas o coche antes de enfrontarte á ITV ou vas alí a ver que pasa? Ese é o noso tema do día, e ademáis resolvemos todas as dúbidas sobre as modificacións que entran en vigor con Enrique Fontán, presidente de ATRA (Asociación de talleres de reparación).

Álex voltou ao estudo cos seus farmaconsellos, desta volta fálanos sobre a hipertensión.

E por último, falamos con Manuel Chorén, presidente de Radio Taxi sobre a II Andaina contra o cancro infantil de Vigo, que terá lugar este domingo dende o Concello ata Castrelos.

Soñas moito? Pouco? Nós si, pero a veces custa lembrar o que exactamente. O tema do día xirou arredor dos soños, aínda que cuns invitados tan xeniais hoxe, apenas puidemos adicarlle tempo.

Germán presentouse coma sempre a conversamos sobre O conto da criada, a serie que esta petando HBO.

Tamén falamos con Hugo Cestero, adestrador dos xuvenís do Valladares que para a fin de semana xogaranse o ascenso. Ánimo!

Por último, Zaida explicounos as novas da reforma laboral e as tipoloxías de despidos.