Ir, ou non, vestido de época á Reconquista... Decisións que vos preguntamos e que ides respondendo ao longo do programa.

Hoxe falamos con presidente da asociación Casco Vello, Fiz, sobre todo o programa que se desenvolverá durante a Reconquista. Días de festa para desfrutar.

Tamén convesamos a Eduardo Freiría, concelleiro de cultura en Tui, sobre a festa do Meixón. E non, non confundades co mexilón!

Ata o estudo achegouse Juan Alonso. Xenial saxofonista de Valladares que vén de tocar en Tailandia.

A enquisa de hoxe foi unha das máis disputadas da nosa historia. Coa Reconquista á volta da esquina hai dúas opciós claras para encher bandullo: chouripán e empanada. Tivestes que escoller unha e o resultado foi o que foi. Cal crees que gañou?

Falamos con Tere da nova excursión a Asturias do CVCV e o farmacéutico Álex Piñeiro inagurou un novo espazo sobre saúde e benestar.

Tamén charlamos con Sime, de Keltoi!, sobre o seu novo videoclip gravado en Balaídos e o futuro da banda.

Voltados xa das vacacións, comezamos de novo! Que fixestes nas vacacións? Ese foi o tema do día como non podía ser doutra maneira.

Ata o estudo achegouse Germán coa súa sección "A Chamada da Cousa" pa desvelar os segredos que unen aos bares coas farmacias.

Tamén contamos coa visita de Julia, que coa Reconquista á volta da esquina, ela traballa en arranxos e traxes de época. Necesitas un? Ela é a muller que buscas.

Roscón ou huevo de pascua. Unha difícil decisión para padriños e madriñas que hoxe tratamos como tema do día. Cal é a gañadora?

Sendo a Semana Santa, Don Ángel, párroco de Valladares informounos a primeira hora das actividades a realizar, xunto cos seus horarios, ao longo destes xornadas.

Falamos tamén con Paticia de Costa dos Castros e as rutas que levarán a cabo nos vindeiros días.

Pracer inmenso conversar con Ailen, da compañía de teatro A Panadaria, que veñen de arrasar nos María Casares coa súa obra Elisa e Marcela.

Ducharse pola mañá ou pola noite. Empezar ou acabar o día. De que opción eres ti? Ese foi o tema e debate do día. Moi igualada, coma sempre, esta pelexa argumental.

Hoxe tivemos no estudo a Néstor e Julio, as cabezas de Evergreen Guitars & Basses. Uns luthieres incribles que non paran de medrar e facer proxectos (e instrumentos).

Tamén falamos con outro artesán, pero neste caso de cervexa. Raúl de Cervexas Nós explicou algúns dos seus segredos.

E Germán, como cada luns, trouxo a súa sección.

Cervexa ou viño. O mundo divídese entre dous tipos de consumidores de fermentados (tamén están os dos refrescos pero decidimos non contar con eles nesta ocasión...). O tema do día xirou arredor deste debate, e tratamos de chegar a un punto en común. Lograrémolo?

Tivemos ao outro lado do teléfono a Tensy, co seu blog en galego sobre literatura Lecturafilia. Un pracer enormísimo.

E... chega á súa fin o Memorial a Moxenas, por iso falamos con Manuel dos lexendarios Viqueiras. Unha actuación que promete facer mover os pes a todo o mundo.

Xa estamos coa primavera a voltas. Altera o sangue realmente? Xa o notades? Diso falamos hoxe no programa como tema do día, e ata a nosa colaboradora Zaida volveu ao estudio para aclararnos tódalas dúbidas posibles sobre este feito, e contarnos alguna que outra anécdota.

Por outra banda tamén falamos con María Xosé das Cantareiras Madialeva, unha agrupación que participará no memoriala Moxenas este domingo, e que poden definirse como unha das mellores do seu estilo en Galicia.

Hai vida máis alá da nosa galaxia? Unha cuestión filosófica e antropolóxica que hoxe planteamos no programa, agardando as vosas respostas e opinións.

Por outra banda, conversamos con Jacobo Conde, de Viajes Amaia, sobre as tendencias de viaxes para esta Semana Santa. Se non tes plan, escoita atento!

Ata o estudo achegouse Víctor Vidal, presidente da comunidade de montes de Chandebrito. Por que? Porque este sábado teñen un evento incrible e exemplar para recuperar o monte queimado, no que se prevé a participación de máis de 1.000 persoas.

Por último, charlamos con Miguel Castañal, do establecemento Kastami's. Un local no que a comida rápida non é só saborosa, se non que tamén é sana e ecolóxica.

O arte das chuletas, de sacar medio puntiño nun exame facendo algo de trampa (non moita...). Quen non o ten feito? Iso volo preguntamos hoxe, e diso falamos como exe central do programa.

O colectivo Teta Meiga contounos hoxe o interesante proxecto que é Espazo Crianza. Dende agora, as nais de Pontevedra sempre terán un local preto para poder dar o peito.

Tamén falamos con Fernando Prieto, de Gato Salvaje Estudio, sobre os videoxogos en Galicia, a potencia creativa e de empleo que encerran, e un dos seus proxectos a medio prazo máis ambiciosos: The Waylanders, un videoxogo galego, ambientando nas súas lendas.

Ah, e contactamos con Albino, dono do Bar Gaviria, para que nos describise como vai ese Retapas que tanto furor causa no Casco Vello.

Hoxe é o día do pai, por iso quixemos saber cal foi ese peor/mellor regalo que recibiches ou fixeches, dependendo de se entras na categoría de pai ou de fillo.

Germán falounos do Solresol, un idioma artificial (ao igual co Esperando) que propón as notas musicais como método de comunicación.

Tamén falamos con Carlos, da asociación de Chandebrito, que ven de colaborar nun fermoso proxecto de recopilación de topónimos na súa zona.