Moito se fala de Fariña estes días, dese libro de Nacho Carretero transformado en serie e que o mércores lanzou o seu primeiro capítulo. Falamos de esa estrea e das opinións da xente, e preguntamos aos nosos ouvintes: ides seguila ou ides abandoala?

O domingo comezará o memorial Moxenas, que alcanza a súa sexta edición. Virán por música nesta primeira xornada Os Escaravellos. Era de lei darlles un toque e falar da súa traxectoria, breve pero intensa.

Tamén puidemos conversar con Miguel de Tanxarina Títeres, lexendaria agrupación teatral galega que veñen de recibir o premio Fetén en Asturias na súa modalidade pola Galiza Azul. O domingo, teñen actuación no Auditorio Municipal de Vigo.

Chegou marzo pero parece haber cousas que nunca cambian como o conflicto coa illa de Toralla. Hoxe analizamos a súa historia, os seus puntos máis relevantes e tentamos arroxar algo de luz sobre as posibles solucións propostas ao longo dos anos.

Tamén falamos con Roxo da Cantina Candela sobre os Bazares nos bares. Unha proposta activa e diurna, na que as artesanías, os obradoiros e decenas de propostas máis toman os bares de Churruca.

Ao outro lado do teléfono tamén conversamos con Anaír Rodríguez, editora en Xerais, e agora tamén escritora, trala publicación dun fermoso libro ilustrado chamado Pioneiras, onde recolle a todas esas mulleres galegas que foron as primeiras en dar un paso adiante nalgunha disciplina.

Quén non quixo ser mago? Ou polo menos ter algunha varita coa que facer algún encantamento de ser preciso... Diso falamos no Esperta de hoxe. De posibles encantamentos, dos seus pros, das súas contras.

O Winterfest é un festival que se celebrará o sábado no CVCV. Era obrigado traer ata o estudo a profesora do noso grupo de baile, As Sereas. Ana Paula falou de baile connosco, de movementos, de gustos, de tendencias e deixou unha mensaxe clara: reguetón? Non, gracias.

Tamén conversamos con Xurxo, da librería Librouro sobre o secuestro de Fariña, a posibilidade de facerse agora cun exemplar e o escuro momento que parece vivir a cultura.

Por último, falamos con dous dos integrantes de Marinita y sus Maromas, que hoxe pola tarde levarán ata o Mimosa Café Teatro Hechizadas. Un espectáculo onde o transformismo masculino e feminino, supón toda unha innovación.

Moito comentastes no noso Facebook hoxe! Claro que a pregunta era boa... Cal foi o primeiro móbil da vosa vida? Menuda nostalxia cos Motorolas e os Nokias!

Neste novo programa falamos con Xosé Alfredo Oliveira, homenaxeado co Premio a unha vida entregado ao mundo coral na última edición do Acopovi no Mar de Vigo. Xenial testemuña a súa.

Tamén falamos con Noemi Chantada, nominada pola súa obra La mujer invisible nos Mestre Mateo, un retrato veraz e real da prostitución e as mulleres que se ven na obriga de practicala.

Hoxe falamos de desigualdades, do día a día das mulleres, da inxustiza que supón.

Tivemos connosco a Germán coma todos os luns, esta vez para lernos algúns intensos microrrelatos.

Tamén falamos vía telefónica con Susana Pedreira, xornalista ubicada en Pontevedra, e unha das impulsoras das xornadas "As mulleres que opinan son perigosas". Unha cita obrigada esta fin de semana na Boa Vila.

Ata estudio achegáronse Xose e Elvira para falar sobre a manifestación do martes na reclama dun traballo digno, a raíz dos últimos recortes en pensións. O futuro é de todos.

¿Cantades? ¿Na ducha? ¿No coche? ¿Pola rúa? Diso disertamos hoxe no tema do dia e a verdade e que botamos unhas risas... sobre todo cando nos mandades audios cantando vós.

Para empezar o día falamos con Javier Pitillas, da asociación Discamino. Policía local de Vigo que no seu tempo libre logra axudar a cumprir soños, coma é facer o Camiño de Santiago a persoas que non poden facelo sosas debido a algunha discapacidade. Este verán acompañará a Iván Bragado dende Roma ao Obradoiro en bicicleta.

Tamén falamos con Santi Almuíña sobre a cita co baile que ten Valladares este sábado; e con Enrique Lorenzo, presidente da Acopovi, asociación que aglutina as corais polifónicas de Vigo. O domingo vivirán un día grande no Auditorio Mar de Vigo.

¿Gústanvos os zoos? ¿Cal é o seu futuro? Ese foi o tema do día do hoxe e polo que vos preguntamos.

A maiores tivemos un programa moi tradicional, musicalmente falando. Entrevistamos a Jose de Voadora, que esta fin de semana traen ata Vigo Garaxe. Un espectáculo teatral coas mulleres da industria do motor.

Os cantos de taberna son cousa da asociación Maravallada, que todos os últimos venres de cada mes enchen as tascas de Pontevedra. Luis Torres contoúnolo.

E por último, a primeira hamburguesa vexetariana é viguesa. Charlamos con Julio do local Llévame al huerto, especialistas en cambiar a carne por outros sabores máis saudables.

Hoxe #tortillagate : a tortilla, con cebola ou sen cebola??

En materia xa máis seria, falamos con Juan Durán, compositor vigués gañador do 35º premio Reina Sofía de composición musical cos súa obra "Whispers in the dark".

Tamén analizamos a importancia do noso patrimonio inmaterial con Sergio de la Ossa, etnomusicólogo que editou o disco libro "Dispostas para cantare", que recolle 24 temas do arquivo do Museo do Pobo Galego APOI.

Por último, "Da taberna á cantina", Antonio nos fala desta obra que chega o domingo 25 a Valladares da man do Grupo As Xanelas de San Xoan Poulo.

Seguimos falando de cartos e do aforro, xa que esta tan de moda o método xaponés Kakeibo.

Coma convidados: Cristina, directora do Colexio Igrexa- Valadares, que hoxe está a celebrar a súa xornada de portas abertas.

Saltamos ata o IES Valadares, e falamos con Lucio, o seu profesor de historia e que ven de publicar un novo libro sobre a axuda social durante a Guerra Civil e a posguerra.

Algunha vez pensáchedes que ten que facer un home do tempo antes e saír ao croma? Pois Juan Taboada, de meteogalicia, cóntanos todo e máis.

Cartos. Hai días que os atopamos na rúa, outros que os perdemos pero... Que fixeches/fas/farías ti cando sucede? Devóvelos? Buscas ao dono? Quedas con eles? Ese foi o noso tema do día.

Germán veu ata o estudio coa súa sección semanal, imperdible coma sempre e chea de cultura.

Tere fíxonos unha fermosa crónica da ceremonia das Vodas de Ouro que Guadalupe e Enrique celebraron conxuntamente con Olga e Evartisto no CVCV.

Por último, charlamos con Toni dun curioso proxecto... Humor Amarillo en Vigo xa é unha realidade. Vestirse de sumo, brincar sobre rodillos... E nada, aquí ao ladiño, preto de Samil.