¿Que fas cando te cruzas con alguén e non queres saudalo? Esa incómoda situación que derivou en variadas e ancestrais tácticas para evitala. Disco falamos no tema do día do venres.

E coa fin de semana á volta da esquina, falamos con Viry sobre as últimas datas da compara (hoxe pasearán por Valladares se o tempo o permite) e tamén con Katerina Linke sobre como coñeceu á poesía de Rosalía de Castro, e derivou tal encontro no proxecto Son Trío.

Tamén tivemos a Aldara Álvarez, máis coñecida coma Anémona de Río, a rapaza responsable de ter publicado o primeiro manga galego da historia: TAM.

Hoxe foi de vodas a cousa, pero das que cousas que non nos gustan delas, ou que non soportamos. O momento da liga, a misa, ou a espera polos noivos... Diso falamos e diso fomos lendo os vosos comentarios.

Estiveron con nós De Vacas e o seu particular humor feito canción. Paula contounos como naceu este incrible grupo, e outros segrediños.

Achegáronse ata o estudio Guadalupe e Enrique, que este domingo celebrarán as súas voas de ouro. Cincuenta anos casados nada máis e nada menos. Como se coñeceron? Cando? Déronnos algún conselliño para manter vivo o amor tanto tempo?

Tamén contactamos con Xulio do grupo de Teatro da Asociación CRAC de Coruxo, que o sábado actuará no CCVV de Valladares.

Ai... o día dos namorades. Diso falamos hoxe. Do amor, das parellas, das súas cousas. Como viven os nosos ouvintes este día? Iso queriamos saber e iso preguntamos.

Hoxe entrevistamos a Vitusa, secretaria da asociación de amas de casa Agarimo, que recibirán o premio de vigueses distinguidos da man do alcalde nas vindeiras semanas. Totalmente merecido polo seu labor ao longo de máis de vinte anos.

Tamén falamos con José Manuel García, coordinador do VindeTapas, que nos contou as claves deste concurso gastronómico e cultural.

Xa estamos de cheo no Entroido por iso o tema do día foi preguntarvos cal era ese disfraz máis molón que vistedes nestes días!

Germán iniciou a mañá coa súa sección semanal, cargada de poesía de colleita propaia e deixando o estudo cheo de versos.

Incrible falar cunha atleta tan agradable como Cristín Martínez, gañadora da Galiexpo Bike and Running na súa modalidade, e que chegada de Venezuela hai un ano, cóntanos a súa traxectoria.

Tamén chamamos a Nuno de Oh! Ayatollah, a banda de pop galego que non para de soar dende que lanzaron o seu disco "Volve a canción protesta" e que de seguro veredes este ano na maioría dos escenarios do país.

Comeza o entroido!!!! Que mais dicir? Collede o disfraz e saide a rúa porque hai que divertirse nunha das mellores festas do ano.

Hoxe falamos con Viry, que levará á comparsa de Valladares polo mundo adiante, así que moita sorte a todos os seus compoñentes e ánimo para aguantar co corpo.

Tamén tivemos a ese trío de DJs que amenizarán o sabado a festa no Baile Vello: Kani, Isaac Martínez e América.

Se o que queredes e música en directo tendes en Goián o festival Taiña, que cumpre quince anos, con Liviao de Marrao, Elephants Yard e Tati's Joplin.

Xa queda menos para o sábado de Carnaval e preguntámosvos de que vos ides disfrazar ou que disfraces recordades por simpáticos, orixinais...

Ademáis, conversamos con Rafael Quintía, antropólogo, bo coñecedor do entroido e do significado social e cultural en Galicia.

E aquí na ensenada da ría de Vigo, o entroido de Santa Cristina de Cobres é peculiar polas Madamas e os Galáns. Lito, un dos organizadores ilústranos os detalles deste carnaval.

E una novidade en Radio Valladares... novo programa!!! As fillas do café, conducido por Yoli e mais Nuria. Unha tertulia onde aproximannos vidas anónimas que teñen algo que contar (inda que non o pareza). O escoitades os xoves de 6 a 7 da tarde.

Chegamos ao ecuador da semana cheos de novidades e bo rollo pero tamén polémica. Deben quedar os redeiros no seu sitio ou poden poñerse noutro lado? Iso vos preguntamos.

O entoido continúa sendo o protagonista do magazine e hoxe aprendemos a facer orellas da man de Macarena. Tamén falamos coa Casa das bicas, de Laza. Por se fora pouco, aprendemos algo máis do entroido urbano vigués grazas aos merdeiros, que falaron e responde a todas as nosas cuestións.

Para rematar, Eladio y los Seres Queridos comentáronnos como será o concerto que darán mañá no espazo Mahou do Progreso Urban Market vigués, así como dos seus últimos movementos musicais con Cantigas e Historia de Caza.

¿Espianos Google? ¿Por que cando ves unha viaxe logo xa te está recomendando un hotel? ¿Como sabe que aparquei nun sitio non habitual? De todo iso falamos convosco no tema do día.

Tivemos no estudo a campiona de Valladares Tita, unha lenda vivinte de xogadora e adestradora de fútbol e balonmán en Vigo.

Falamos con Roberto de la Torre sobre o seu traballo como fotógrafo e documentalista da cultura galega, en especial do entroido; e tamén chamamos a Pepa, da comisión de festas do entroido de Goián, que nos contou as pecularidades desta festa.

Empezou o entroido? Nós dende logo por iso hoxe o tema do día foi o peche dos furanchos. Unha vez feito, encaramos co entroido.

Hoxe como cada luns veu falar Germán ao estudo. Xigantes e ananos, lendas e mitos.

Tere contounos como será a excursión do CVCV a Negreira, pero ademais anunciou tamén a que se levará a cabo a Asturias en Semana Santa. Atentos porque é a bomba.

Por último, Óscar, peliqueiro de nacemento, describiunos como é o entroido de Laza, unha das figuras por antonomasia de Galicia. Que gustazo oílo falar!

Chegou febreiro e súa primeira fin de semana. E claro, San Blas está aí, pero tamén As Candelas. Fixemos un repaso bo a todo elo entrevistando a Alejandro, presidente de festas da segunda romería do ano; e tamén contactamos con Roberto Ballesteros, alcalde pedaneo de Bembrive. Que non pare a festa!

Iso si, houbo tema do día, claro. As series míticas da nosa vida. Simpson, Friends, Frasier, Cosas de Casa, Dartacán... ¿Cal é a túa?

Falamos tamén con Pancha do furancho Endulza tu Vida, e como non podía faltar, xa que este fin de semana é o Festival de Bandas Escola de Vigo, veu Lero ata o estudio a contarnos todos os detalles.

Unha fin de semana incrible.