2 лістапада стала вядома, што Таццяна Зарэцкая пакідае пасаду прадстаўніцы Аб’яднанага пераходнага Кабінета па фінансах і эканоміцы. Афіцыйная прычына — ціск, аказаны на яе асабіста, яе блізкіх і бізнес-партнёраў.

“Нашая праца ўжо два гады ажыццяўляецца пад пастаяннымі атакамі з боку рэжыму”, — каментуе рашэнне лідарка дэмсіл Беларусі Святлана Ціханоўская.

“Але калі ты пайшоў у палітыку, трэба быць да гэтага гатовым”, — пракаментавалі б нашыя слухачы.

Што не так у гэтай гісторыі? Чаму палітыкі не могуць даціснуць і выходзяць з гульні? Навошта беларусам патрэбна палітычная асоба ZERO? Пра гэта, а таксама аблаву сілавікоў на акадэмікаў ды гучныя палітычныя прысуды ў Беларусі размаўляем з доктарам палітычных навук Паўлам Усавым.

221102 - ZOOM - "Я" — гэта не проста я". Намеснік Макея пакляўся ў вернасці рэжыму by Euroradio

221101 - ZOOM - Аляксандр Фрыдман пра перамовы Украіны з Расіяй і візіт Лукашэнкі да Пуціна by Euroradio

221031 - PETARDA - Дыпламаты ЕС, Вялікабрытаніі і Швейцарыі наведалі Курапаты by Euroradio

221031 - ZOOM - Ад непрызнання польскіх дыпломаў горш толькі Беларусі by Euroradio

"Вязьмо сціскаецца", — так пісьменнік Міхась Зарэцкі апісаў жыццё ў БССР напярэдадні сталінскіх рэпрэсій. У нас сёння ашчушчэнія прыкладна такія ж. Справа нават не ў рэпрэсіях — хаця яны нікуды не падзеліся, і ўсё больш нагадваюць сталінскі "Вялікі тэрор". Справа ў тым, што палітычны крызіс, які ахапіў свет, толькі ўзмацняецца.

Расія працягвае абстрэльваць украінскія электрастанцыі і выйшла са "збожжавай здзелкі". Пяскоў і Лаўроў кажуць пра мірныя перамовы — але разумеюць пад гэтым толькі капітуляцыю Украіны. Лукашэнка ізноў збіраецца да Пуціна. Апазіцыя ў Малдове патрабуе памяняць Маю Санду на танны газ. На гэтым фоне выбары ў Бразіліі, дзе фанат Пуціна і антыпрышчэпачнік Жаір Балсанару прайграў, выглядаюць прамянём святла. Ці не? Размаўляем пра гэта з палітычным аглядальнікам і гісторыкам Аляксандрам Фрыдманам.

Ноч з 29 на 30 кастрычніка 1937 года — адна з самых трагічных у гісторыі Беларусі. Падчас яе сталінскім рэжымам былі расстраляныя больш за 100 прадстаўнікоў беларускай інтэлектуальнай эліты. Гэта былі выбітныя дзеячы навукі, культуры, палітыкі. Сярод іх — больш за 20 літаратараў: Тодар Кляшторны, Міхась Зарэцкі, Міхась Чарот, Юлі Таўбін, Алесь Дудар, Майсей Кульбак і іншыя.

У 2017 годзе да творчасці загінулых літаратараў звярнуўся журналіст і кіраўнік музычнага парталу Tuzin.fm Сяргей Будкін. Ён прапанаваў беларускім музыкам паўдзельнічаць у запісе праекту і напісаць песні на вершы расстраляных паэтаў. Так нарадзіўся праект "Нерасстраляныя", які з цягам часу ператварыўся ў маштабную і нават навуковую працу з лекцыямі, фільмам і кнігай.

Днямі выйшла другое выданне кнігі, якое можна замовіць праз бібліятэку "Камунікат". А сам праект у гэтыя дні становіцца часткай глабальнай акцыі "Ноч паэтаў", якая праходзіць па ўсім свеце і да якой можа далучыцца кожны беларус.

З Сяргеем Будкіным, кіраўніком Беларускай рады культуры і аўтара праекту "Нерасстраляныя", у эфіры Еўрарадыё гутарым пра працу з культурай памяці, сённяшнюю важнасць "Нерасстраляных", саму "Ноч паэтаў" і жыццё беларускіх творцаў падчас вайны і рэпрэсій.

221028 - PETARDA WEEKLY - ІП у Беларусі прыпыняюць працу by Euroradio

221028 - PETARDA - У Беларусі спяшаюцца правесці завочны суд над Герасіменяй і Апейкіным by Euroradio

221028 - ZOOM - Іх норавы: сепаратызм і карона, выбары ў тропіках і антыканец свету by Euroradio