З аднаго боку ад прадстаўнікоў Лукашэнкі і яго самога гучаць намёкі Захаду пра гатоўнасць да перамоў на пэўных умовах, а з другога — рэпрэсіі ўнутры Беларусі не толькі не сціхаюць, але і пашыраюцца з кожным днём. Што не можа не ўплываць як на ўзровень запалоханасці так і на падвышэнне радыкалізацыі грамадства. Вось толькі такое ўражанне, што на фоне вайны ва Украіне і пагроз з боку Крамля ядзернай зброяй праблемы беларусаў для Захаду не вельмі… актуальныя.

Ці прыслухоўваюцца на Захадзе да прадстаўнікоў беларускіх дэмсіл і што робіцца для таго, каб Беларусь была там “на парадку дня”? Ці магчымае стварэнне нацыянальна-вызваленчага руху і ці варта ў гэтым пытанні азірацца на меркаванне “заходніх партнёраў”? Як наладзіць адносіны з Украінай насуперак дзеянням лукашэнкаўскага рэжыму? На гэтыя ды іншыя пытанні адказвае выканаўчы дырэктар аналітычнага цэнтра International Strategic Action Network for Security Улад Кобец.

Калі раней “ястрабы” ў атачэнні Лукашэнкі казалі, што месца апанентаў рэжыму — за калючым дротам у лясных лагерах, то цяпер рыторыка змянілася на яшчэ больш крыважэрную. Усіх гэтых “змагароў”, “збеглых” і гэтак далей чакае, паводле прыхільнікаў “народнага адзінства” і тэзы пра “мірных людзей”, выключна смерць.

Што не дае спыніцца рэпрэсіўнай машыне Лукашэнкі? Ці гатовыя беларусы да сілавога сцэнара змены ўлады? Перамовы з Захадам — наколькі яны рэальныя і на якіх умовах? На гэтыя ды іншыя пытанні адказвае палітолаг Андрэй Ягораў.

221003 - PETARDA - Сёлета Беларусь страціла амаль 12 тысяч айцішнікаў by Euroradio

221003 - ZOOM - Мабілізацыя на збор бульбы ці чаму Беларусь не ўступіць у вайну by Euroradio

Пра тое, ці ёсць падчас вайны, рэпрэсій і эміграцыі месца музыцы гаворым з Аляксандрам Чарнухам.

Практычна ўсе беларускія музыканты з так званага андэграўда вымушаныя былі выехаць з Беларусі. Як і незалежныя журналісты і музычныя крытыкі. Але і ў вымушанай эміграцыі яны працягваюць займацца любімай справай: музыканты — пішуць песьні ладзяць канцэрты, крытыкі — крытыкуюць, фанаты — ходзяць на выступы сваіх улюбёных выканаўцаў.

Ці ёсць цікавасць да музыкі ў часы рэпрэсій і ў чаканні ядзернай вайны? Што адбываецца з беларускай культура: як за мяжой, так і ўнутры Беларусі? На карысць ці на шкоды будзе беларускай музыцы (і крытыцы) эміграцыя? На гэтыя ды іншыя пытанні адказвае пісьменнік, музычны крытык Аляксандр Чарнуха.

Пра пагрозу ядзернай вайны, перамовы Лукашэнкі з Захадам і сілавы сцэнар па змене ўлады гаворым з Аляксандрам Фрыдманам.

Дзіўна, але ўключэнне акупаваных тэрыторый Украіны ў склад Расіі ніякім чынам не паўплывалі на намер украінскай арміі вызваліць усе захопленыя расійскімі агрэсарамі тэрыторыі. Чым украінцы актыўна і займаюцца. А расіяне займаюцца мабілізацыяй, запаложваючы адначасова Захад ядзернай вайной, халоднай зімой ды іншай трасцай. Кшталту Лукашэнкі, які ў чарговы раз ці то далучыцца сваім войскам да расійскай арміі, ці то не далучыцца…

Ці напалохалі пагрозы халоднай зімы і ядзернай вайны Захад? Ці будзе Кітай падтрымліваць Лукашэнку? Перамовы беларускага рэжыма з Захадам — наколькі яны магчымыя і якая роля адведзеная ў гэтым фарсе Канапацкай? На гэтыя ды іншыя пытанні адказвае палітычны аглядальнік, гісторык Аляксандр Фрыдман.

Без намёкаў - Дыктатар абвясціў анэксію by Euroradio

220930 - PETARDA WEEKLY - Украіна падае заяўку на ўступленне ў NATO у паскораным парадку by Euroradio

220930 - PETARDA - У Маскве падпісалі дамовы аб уступленні ў РФ "новых тэрыторый" by Euroradio

220930 - ZOOM - Падрыхтоўка аэрадромаў і казарм: што будзе ў бліжэйшы час з Беларуссю by Euroradio