220422 - PETARDA - ААН можа прызнаць дзеянні расійскіх войскаў ва Украіне ваеннымі злачынствамі by Euroradio

220422 - ZOOM - Як Лукашэнка разбурыў IT-краіну. Размова з Аляксандрам Кныровічам by Euroradio

Дзяржаўная палітыка ў галіне гістарычнай спадчыны, якую ад самага пачатку свайго панавання праводзіць лукашэнкаўскі рэжым, прывяла да таго, што ў беларусаў так і не з’явіўся свой пантэон нацыянальных герояў. Нават Кастусь Каліноўскі, якога прызнавалі савецкія ўлады, для сённяшняга беларускага рэжыму — ідэалагічны вораг. Не кажучы ўжо пра Расію, якая ўпарта імкнецца знішчыць усё нацыянальнае ў краінах-суседзях.

Ці ёсць у беларусаў свае нацыянальныя героі і чаму беларускі рэжым не прызнае іх? Якія пагрозы беларускай гістарычнай спадчыне нясе расійская ідэалогія? Як беларусы могуць адстаяць сваіх нацыянальных герояў? На гэтыя ды іншыя пытанні адказваюць беларускія гісторыкі — гісторык права Андрэй Радаман і кандыдат гістарычных навук Віктар Якубаў.

Рашэнні ўладаў і санкцыі, да якіх яны давялі Беларусь, руйнуюць магчымасці займацца бізнесам. Адну за адной: банкаўская сфера, лагістыка, IT. Адносна добра адчуваюць сябе тыя, хто працягвае карыстацца дзяржаўнай падтрымкай (хаця гэта і бізнесам не назавеш).

Што адбываецца з беларускім бізнесам? На што разлічваюць тыя, хто застаецца ў Беларусі? Як адаб'ецца на эканоміцы татальная рэлакацыя айцішнікаў? Чым займаецца стартап-хаб Imaguru пасля пераезду ў Вільню? Абмяркоўваем усё гэта з прадпрымальнікам Аляксандрам Кныровічам.

220421 - PETARDA - У Мінюсце "зачыстку" грамадзянскай супольнасці назвалі "інвентарызацыяй" by Euroradio

220421 - ZOOM - Пачаць вайну Расія планавала з захопу Беларусі ў 2020 годзе — размова з В.Цыганковым by Euroradio

Падзеі ва Украіне чымсьці нагадваюць атаку Zомбі. Такое адчуванне, што менавіта ў зомбі, ахвяраў прапаганды, ператварыліся расійскія вайскоўцы. Дый не толькі яны, але і вялікая колькасць шараговых грамадзянаў Расіі. Дарэчы, акіяны гэтай жа прапаганды ліюцца сёння і на беларусаў. Нібыта ім праблем са сваім рэпрэсійным і неадукаваным рэжымам мала.

Як працуе прапаганда і ці прывядзе яна нас да зомбі-апакаліпсісу? Ці атрымліваецца ў беларусаў супрацьстаяць замбаванню і ці пагражае нам грамадзянская вайна? Ці час цяпер для фестывалю інтэлектуальнай кнігі? На гэтыя ды іншыя пытанні адказвае кандыдат філасофскіх навук, дырэктар фестывалю інтэлектуальнай кнігі PRADMOVA Павел Баркоўскі.

21 красавіка ў эфіры Еўрарадыё — экс-дырыжор Нацыянальнага тэатра оперы і балета Іван Касцяхін.

Ваеннае дзікунства, рэпрэсіі і неразуменне таго, хто мы і дзе нашае месца, — з такімі выклікамі чарговы раз сутыкнулася беларускае грамадства. І справіцца з гэтымі выклікамі нам дапаможа толькі культура, перакананы Іван Касцяхін.

Пра тое, чаму мы ні ў якім разе не павінны забывацца на сваю нацыянальную культуру, як яе захаваць, і пра тое, ці вартыя падзеі 2020 года сваёй оперы, мы і разважаем у праграме “Ідэя Х” з Іванам Касцяхіным.

Паводле інфармацыі “незалежнай беларускай выведкі”, тэрыторыю Беларусі пакінула каля 80 адсоткаў расійскага войска, якое было тут на момант пачатку вайны з Украінай. Тым не менш з’ехалі не ўсе і па-ранейшаму з’яўляецца інфармацыя, што з тэрыторыі нашай краіны расіяне працягваюць ракетны абстрэл Украіны, а з беларускіх аэрадромаў у бок украінскіх гарадоў лятуць расійскія самалёты.

Ці застаецца небяспека новага ўварвання ва Украіну расійскіх войскаў з тэрыторыі Беларусі? Ці ўяўляе пагрозу для Украіны беларускае войска? Чаму ўкраінскія вайскоўцы не адказваюць на ракетныя абстрэлы з тэрыторыі Беларусі і ці будуць помсціць у будучыні? На гэтыя ды іншыя пытанні адказвае намеснік дырэктара ўкраінскага Цэнтра даследавання войска, канверсіі і раззбраення Міхаіл Самусь.

220420 - PETARDA - Сілавікі прыйшлі забіраць рэдактарку "Новага часу" з кувалдамі і шчытамі by Euroradio