220414 - PETARDA - Офіс Святланы Ціханоўскай хоча замарозіць ЗВР Беларусі by Euroradio

220414 - ZOOM - Ці прымусіць Пуцін Лукашэнку адкрыць другі фронт? Размова з Ягорам Лебядком by Euroradio

Апошнія паўтара года ўвага міжнароднай супольнасці была скіраваная на Беларусь. Але вайна ва Украіне змяніла прыярытэты. Прычым не толькі палітыкаў і грамадзян краін Захаду, але і дэмакратычнай супольнасці Беларусі — цяпер больш увагі на дзейнасць антываеннага руху ў Беларусі і дапамогу Украіне.

Як вайна ва Украіне паўплывала на зацікаўленасць Захаду беларускімі пытаннямі? Ці ёсць падставы для расчаравання ў Ціханоўскай, якое выказваюць як шараговыя беларусы, так і добраахвотнікі ва Украіне? Чаму Зяленскі не баіцца пакрыўдзіць Штайнмаера, але не хоча дражніць Лукашэнку і сустракацца з Ціханоўскай? На гэтыя ды іншыя пытанні адказвае дарадца Святланы Ціханоўскай па міжнародных пытаннях Франак Вячорка.

14 красавіка ў эфіры Еўрарадыё — паэтэса, спявачка, вядоўца, журналістка Кацярына Ваданосава.

Цікавасць да сваёй гісторыі, традыцый, да беларускай мовы і ўвогуле ўсяго свайго, якую прадэманстравалі беларусы восенню 2020 года, захоўваецца і па сёння. Так, цяпер Беларусь падзеленая на “ўнутраную” і “эмігранцкую”, але і там і там беларусы робяць усё магчымае і немагчымае для захавання і развіцця беларускай культуры, мовы і гісторыі, перакананая Кацярына Ваданосава.

Пра тое, ці модна па-ранейшаму быць беларусам, ці патрэбны нам быў 2020 год і якой ёй бачыцца свабодная Беларусь, мы і разважаем у праграме “Ідэя Х” з Кацярынай Ваданосавай.

220413 - ZOOM - Ці ўратуе партызаншчына беларусаў ад калектыўнай адказнасці — развагі М. Халезіна by Euroradio

220413 - PETARDA - У Кіеў прыехалі прэзідэнты Польшчы і краін Балтыі by Euroradio

Калі на пачатку вайны Расіі супраць Украіны было зразумела, што выкарыстанне расійскімі вайскоўцамі тэрыторыі Беларусі было ўзгоднена з Лукашэнкам, то апошнім часам з’яўляецца ўражанне, што расіяне дзейнічаюць тут так, як пажадаюць, не пытаючыся ніякага дазволу ў “беларускіх калег”. Асабліва што датычыцца ракетных удараў і баявых вылетаў расійскіх самалётаў з беларускіх аэрадромаў у бок Украіны.

Ці можна гаварыць, што расійская армія дзейнічае ў Беларусі як у сябе дома? Наколькі магчымы ўдзел беларускага войска ў расійскай агрэсіі? Ці варта баяцца ўдару ўкраінцаў па расійскіх самалётах на беларускіх аэрадромах і ад каго Лукашэнку патрэбныя гарантыі бяспекі? На гэтыя ды іншыя пытанні адказвае ваенны эксперт Ягор Лебядок.

Мірныя і спакойныя беларусы нечакана для сябе сталі нацыяй экстрэмістаў. І вось ужо другі год нам ледзь не штодня расказваюць пра тое, што чарговая недзяржаўная арганізацыя, СМІ альбо тэлеграм-супольнасць аказалася “экстрэмісцкім фармаваннем”. А ўсе, хто быў сябрам такой арганізацыі ці проста быў падпісаны на “варожы” тэлеграм-канал, лічацца “экстрэмістамі”. Якіх пераследуюць, судзяць і кідаюць за краты. Павялічваючы колькасць палітвязняў у краіне.

Чаму рэжым не спыняецца ў сваёй гульні ў пошук “экстрэмістаў”? Да якой ступені можна “закручваць гайкі” і ці варта разлічваць на хуткае “пацяпленне”? На гэтыя ды іншыя пытанні адказвае палітолаг Андрэй Ягораў.

220412 - PETARDA - Расія выкарыстоўвае ва Украіне кантрабандную зброю з Ірака by Euroradio

220412 - ZOOM - “Пуцін — забойца”: Ціханоўская выказалася наконт крывавай палітыкі Крамля by Euroradio