Ініцыяваная беларускім рэжымам канстытуцыйная рэформа паволі набліжаецца да сваёй фінальнай стадыі — рэферэндуму. Але чым бліжэй гэты момант, тым больш падабенства гэтай “рэформы” да “аперацыі “Пераемнік” і разумення, што нікому гэтая рэформа не патрэбная. Але адмаўляцца ад яе правядзення позна. Калі толькі штосьці кшталту новай хвалі ваеннай агрэсіі Расіі супраць Украіны не дасць Мінску магчымасць змяніць свае планы не губляючы твару.

Ці гатовы Лукашэнка перадаць прэзідэнцкія паўнамоцтвы “ручному” пераемніку? Ці застаецца імавернасць вайсковага канфлікту Расіі і Украіны і якой будзе ў ім роля Беларусі? На гэтыя ды іншыя пытанні адказвае палітолаг, дырэктар інстытута палітычных даследаванняў “Палітычная сфера”, старшы навуковы супрацоўнік Універсітэта Вітаўтаса Магнуса Андрэй Казакевіч.

20 студзеня ў эфіры Еўрарадыё — выканаўчы дырэктар аналітычнага цэнтра International Strategic Action Network for Security Улад Кобец.

Нам неабходна як мага хутчэй прайсці этап, калі асноўным лозунгам і ідэяй з’яўляецца слова “Сыходзь!”. І наўзамен яму, разам з жыццесцвярджальным лозунгам “Жыве Беларусь!”, прыйдзе лозунг “Вяртайцеся!”, скіраваны да тых соцень тысяч беларусаў, што сёння вымушана знаходзяцца за межамі краіны, перакананы Улад Кобец.

Пра тое, якімі мы павінны выйсці з гэтага этапу нашага нацыянальнага развіцця, якую ў гэтым ролю мусяць адыграць нацыянальныя каштоўнасці і якую Беларусь нам варта будаваць у будучыні, мы і разважаем у праграме “Ідэя Х” з Уладам Кобецам.

220119 - ZOOM - Апошняе "Звяно": як праваабаронцам працаваць пасля ліквідацыі by Euroradio

220119 - PETARDA - Беларускія ўлады не далі ўсю інфармацыю, якую патрабавала ICAO by Euroradio

Напярэдадні візіту кіраўніцы МЗС Германіі Аналены Бэрбак у Маскву эксперты прагназавалі, што падчас яе сустрэчы з расійскім калегам будзе закранутая і тэма Беларусі. Гэтаму спрыялі адразу некалькі фактараў: даклад ICAO наконт інцыдэнту з самалётам, чарговыя беларуска-расійскія ваенныя вучэнні ля межаў ЕС і Украіны.

Ці спраўдзіліся чаканні і ці закранала Бэрбак беларускую тэму? Якой была рэакцыя на даклад ICAO? Францыя на чале Савета ЕС і новая кіраўніца Еўрапарламента — што гэта азначае для Беларусі? На гэтыя ды іншыя пытанні адказвае палітычны аглядальнік, гісторык Аляксандр Фрыдман.

220118 - PETARDA - Святлана Алексіевіч увайшла ў спіс Forbes by Euroradio

220118 - ZOOM - Рэферэндум, санкцыі і адліга: размова з палітолагам Андрэем Ягоравым by Euroradio

Грамадскае аб'яднанне "Звяно" канчаткова ліквідаванае. Яго каманда выбрала цікавую стратэгію: яна вырашыла абскарджваць ранейшае рашэнне аб ліквідацыі ў Вярхоўным судзе, а ў часе абскарджвання працягваць працаваць. 17 студзеня гэта скончылася.

"Звяно", відаць, было апошнім праваабарончым ГА, якое працягвала працаваць у Беларусі. Ну, калі не лічыць праўладных "проксі", створаных апошнім часам. Якая роля праваабаронцаў у грамадстве? Што будзе з праектамі "Звяна"? Ці ёсць "жыццё" пасля ліквідацыі? Размаўляем пра гэта з праваабаронцай, былой дырэктаркай грамадскага аб'яднання "Звяно" Таццянай Гацура-Яворскай і каардынатаркай фестываля WATCH DOCS Belarus Вольгай Галецкай.

Пазіцыя дэмакратычных сіл адносна так званага канстытуцыйнага рэферэндуму выклікала абурэнне ў галоўнага ініцыятара гэтай “рэформы”. Хоць стратэгія дэмсіл па фармаце ўдзелу ў гэтым мерапрыемстве выклікае шмат спрэчак і сярод апанентаў беларускага рэжыму.

Што прымушае Лукашэнку нават пасля падзей у Казахстане ісці на змены ў Канстытуцыі? Ці рэальна неяк паўплываць на вынік галасавання і ці ёсць вынік, які не задаволіць рэжым? Як на сітуацыю ў Беларусі ўплывае пагаршэнне адносінаў паміж Расіяй і Захадам? На гэтыя ды іншыя пытанні адказвае палітолаг Андрэй Ягораў.

220117- PETARDA - Пачаўся суд над журналістам Аляксандрам Івуліным by Euroradio