Сёння ў нас на "Творчай кухні" Артур Клінаў і Сяргей Календа. Абодва госця — шорт-лістары прэміі Гедройца 2021 года.

Сяргей Календа — пісьменнік, культуролаг, рэдактар часопіса "Мінкульт". Трохразовы шорт-лістар прэміі Гедройца, пераможца ў намінацыі "Выбар Алексіевіч" (2019) за кнігу "Часам панкі паміраюць". Сёлета ў шорт-лісце яго кніга "Акварыум. Гісторыя аднаго юнацтва".

Артур Клінаў — літаратар, мастак, архітэктар. Заняў другое месца ў прэміі Гедройця за кнігу "Шклатара" ў 2014 годзе. У 2021 годзе за кнігу "Локісаў" (яна і трапіла ў сёлетні шорт-ліст) стаў лаўрэатам літаратурнай прэміі "Гліняны Вялес".

Праваабарончыя арганізацыі падзялілі лёс большасці недзяржаўных і грамадскіх арганізацый Беларусі. Гэтаксама як арганізацыі эколагаў, пісьменнікаў, абаронцаў жывёл і іншых, праваабарончыя арганізацыі былі ліквідаваныя. І нават былі заведзены крымінальныя справы — як на самі арганізацыі, так і на іх супрацоўнікаў.

Што сёння адбываецца з абаронай правоў чалавека ў Беларусі? Ці ёсць у праваабаронцаў магчымасць працягваць сваю дзейнасць? Ці заўважыла беларускае грамадства адсутнасць праваабаронцаў? На гэтыя ды іншыя пытанні адказвае старшыня Беларускага Хельсінкскага камітэта Алег Гулак.

211027 - PETARDA - Макею патэлефанавалі з Ірана ў справе мігрантаў на мяжы з Літвой by Euroradio

211027 - ZOOM - Не да законаў: як палітвязняў пазбаўляюць дапамогі адвакатаў? by Euroradio

RADIO SLAM — польскае трыа, якое было створана ў 2015 годзе фронтмэнам беларускага гурта The Toobes Стасам Ламакіным. За час існавання каманда выступіла на буйнешых польскіх сцэнах. І вось саспела да выпуску дэбютнага альбому. Анансуе LP сінгл "Fade Away", выпушчаны на ўсіх лічбавых пляцоўках, і кліп да яго.

Пра доўгую дарогу да дэбютніка, асаблівасці польскага шоў-бізу, настальгіі па часах The Toobes і Беларусі ў 16:00 гутарым са Стасам Ламакіным. Задавайце пытанні.

Днямі чарговага адваката Віктара Бабарыкі пазбавілі магчымасці выконваць свае абавязкі — 25 кастрычніка адвакатку Наталлю Мацкевіч пазбавілі адвакацкага статусу. Такім чынам, без адваката засталіся і палітвязні Мікалай Дзядок і Сяргей Ціханоўскі, інтарэсы якіх яна таксама абараняла.

Што гэта азначае для палітвязняў — застацца без адваката? Ці знойдуцца ахвотныя замяніць Наталлю Мацкевіч? Ці ёсць сэнс сёння ўвогуле ў паслугах адваката, калі гаворка ідзе пра палітычную справу? На гэтыя ды іншыя пытанні адказвае экс-адвакат Віктара Бабарыкі Дзмітрый Лаеўскі.

"Такога вы не чулі": Isna Trio з песнямі на вершы сучасных паэтаў by Euroradio

Падзеі ў Беларусі і на яе межах, паглыбленне інтэграцыі і пашырэнне вайсковай прысутнасці Расіі ў нашай краіне — усё гэта не можа не хваляваць суседнія краіны, бо тычыцца іх наўпрост. Асабліва з улікам таго, што практычна ва ўсіх “беларускіх тэмах” відавочная прысутнасць Расіі. Якая, каб апраўдаць тыя ці іншыя падзеі ці падаць іх у патрэбным святле, падключае свой нязменны рэсурс — пракрамлёўскія медыя па ўсім свеце.

Якімі былі асноўныя “беларускія тэмы” ў прарасійскіх медыя ў апошнія месяцы? Наколькі аператыўна яны рэагуюць на палітычную кан’юнктуру? На гэтыя ды іншыя пытанні адказвае дырэктарка па даследаваннях міжнароднай бяспекі Еўрапейскай экспертнай асацыяцыі, экспертка iSANS Марыя Аўдзеева.

У Беларусі сур’ёзна ўзяліся за тэму генацыду беларускага народа. З аднаго боку, Генпракуратура нарэшце ініцыявала вывучэнне месцаў магчымых пахаванняў закатаваных людзей, з іншага — ініцыюецца прыняццё законаў супраць рэабілітацыі фашызму і пра генацыд беларускага народа. Вось толькі насцярожвае факт, што адбываецца гэта на фоне шалёнай ідэалагічнай напампоўкі супраць нацыянальнай сімволікі і “змагароў-нацыяналістаў”.

Ці звязаныя хваля антынацыянальнай прапаганды і пачатак раскопак месцаў масавых расстрэлаў? Ці можна вынікі раскопак “ідэалагічна правільна” падаць грамадству? Ці не варта было пачаць з Курапатаў? На гэтыя ды іншыя пытанні адказвае гісторык Ігар Мельнікаў.

211026 - PETARDA - Святлана Ціханоўская дала інтэрв’ю радыёстанцыі "Эхо Москвы" by Euroradio