Выглядае на тое, што беларускі рэжым вырашыў “падпарадкаваць” сабе святароў — як праваслаўных, так і каталіцкіх. І прынамсі частка іх не адмаўляецца ад такой супрацы.

Якія мэты пераследуе рэжым, імкнучыся займець падтрымку ў святароў? Навошта царква ідзе на такую супрацу? Як у такой сітуацыі мусяць рэагаваць вернікі? На гэтыя ды іншыя пытанні адказвае ксёндз Вячаслаў Барок.

Дапамога на пераадольванне наступстваў пандэміі ад МВФ у памеры 923 мільёнаў долараў усё ж была вылучаная Беларусі. Што дало падставы дзяржаўным СМІ і праўладным тэлеграм-каналам паздзекавацца з апанентаў беларускага рэжыму, якія заклікалі МВФ замарозіць гэтыя грошы на рахунку да моманту змены ўлады ў нашай краіне.

Калі гэтыя грошы патрапяць у Беларусь і як іх можна скарыстаць? Ці стануць яны ўратавальнымі для беларускай эканомікі? Што адбываецца з курсам беларускага рубля і пры чым тут санкцыі? На гэтыя ды іншыя пытанні адказвае старшы аналітык у "Альпары Еўразія" Вадзім Іосуб.

210823 - PETARDA - Польшча плануе паставіць на мяжы з Беларуссю сцяну вышынёй 2,5 метра by Euroradio

210823 - ZOOM - Беларусь усё ж атрымала права на “кавідныя” 900 млн долараў ад МВФ by Euroradio

У “візітнай карткі” беларускіх пратэстаў — “Жаночых маршаў” — ёсць свая “хросная маці”. Фактычна іх арганізатаркай была Анастасія Касцюгова. Дачка вядомай паліталагіні, заснавальніцы аналітычнага партала “Наше мнение” і палітзняволенай Валерыі Касцюговай.

Ці стаў “жаночы твар пратэстаў” вынікам прымянення паліттэхналогій? Ці атрымалася ў рэжыму запалохаць беларускіх жанчын рэпрэсіямі? Затрыманне Валерыі Касцюговай — колькі ў ім помсты за яе пазіцыю і колькі за зробленае дачкой? На гэтыя ды іншыя пытанні адказвае менеджар стратэгічнай камунікацыі Офіса Святланы Ціханоўскай Анастасія Касцюгова.

23 жніўня ў эфіры Еўрарадыё — архітэктарка, урбаністка, выкладчыца Еўрапейскага каледжа Liberal Arts у Беларусі Марына Сяменчанка.

Падзеі 2020–2021 гадоў паказалі, што на самай справе ні сацыёлагі, ні палітолагі, ні ідэолагі з чыноўнікамі нічога не ведаюць пра беларусаў. Магчыма, нават самі беларусы да апошняга часу мала пра сябе ведалі. Але прыйшоў час, і жыць ва ўмовах, калі за іх усё вырашае нехта іншы, не пытаючыся меркавання саміх беларусаў, людзі больш не жадаюць, перакананая Марына Сяменчанка.

Пра тое, як мы змяніліся і як нам змяніць свой дом, свой горад, сваю дзяржаву ў адпаведнасці з гэтымі зменамі, мы і разважаем у праграме “Ідэя Х” з Марынай Сяменчанка.

Штучна створаны міграцыйны крызіс на межах Беларусі з краінамі ЕС не толькі не сціхае, але і бумерангам вяртаецца беларускаму рэжыму. І ўсё гэта — на фоне ўзмацнення рэпрэсій у дачыненні да грамадзянскай супольнасці і незалежных СМІ. Калі нават вызваленне з-за кратаў большасці фігурантаў “справы “Прэс-клуба” не сведчыць пра набліжэнне “адлігі”.

Ці здолее рэжым задушыць незалежныя СМІ і чым яму самому гэта пагражае? Якія наступствы будзе мець “міграцыйны крызіс” і што прыйдзе яму на змену? Што атрымаюць беларусы ў выніку “канстытуцыйнай рэформы”? На гэтыя ды іншыя пытанні адказвае палітычны аналітык БелаПАН Аляксандр Класкоўскі.

210820 - PETARDA WEEKLY - Сцяпану Латыпаву прысудзілі 8,5 года пазбаўлення волі by Euroradio

210820 - PETARDA - Лукашэнка таемна ўзнагародзіў сілавікоў by Euroradio

210820 - ZOOM - Вушы Крамля: навошта Лукашэнка стварае з Украіны вобраз ворага? by Euroradio