210806 - PETARDA - Уцекачы з Ірака тры дні не могуць пакінуць мінскі аэрапорт by Euroradio

210806 - ZOOM - Чаму маладыя людзі ідуць вучыцца ў акадэмію МУС? by Euroradio

Словы пра тое, што за мінулы з 9 жніўня 2020 года час беларускае грамадства змянілася незваротна, мы чуем пастаянна. Пісьменнікі, паэты, музыканты, мастакі — таксама частка грамадства. І яны мусілі мяняцца разам з усімі. Што не магло не адбіцца на іх творчасці.

Як падзеі апошняга года паўплывалі на беларускую літаратуру? Ці сапраўды беларусы змяніліся і ў які бок? Час пераменаў — наколькі ён “камфортны” для творцаў? Пра гэта ды шмат што іншае размаўляем з пісьменнікам Альгердам Бахарэвічам.

Напярэдадні 9 жніўня беларускі рэжым усімі магчымымі сродкамі імкнецца пераканаць і беларусаў, і сам сябе, што пратэсты канчаткова задушаныя і практычна ўсе нелаяльныя — “зачышчаныя”. А паводле заяў сілавых структур, Беларусь ператварылася ледзь не ў краіну, дзе праз аднаго — экстрэміст, тэрарыст ці чалавек (альбо арганізацыя), схільны да гэтага.

Якую ролю адыграла Каардынацыйная рада ў беларускім пратэсце? Ці можна гаварыць, што сёння яе існаванне завершанае? Чым сталі пратэсты для беларускага грамадства і чаго чакаць далей? На гэтыя ды іншыя пытанні адказвае сябра Каардынацыйнай рады, сустаршыня БХД Вольга Кавалькова.

210805 - PETARDA - У палітвязня Сцяпана Латыпава ў судзе быў нервовы зрыў by Euroradio

210805 - ZOOM - Бягуха Крысціна Ціманоўская дала вялікую-прэс-канферэнцыю ў Варшаве by Euroradio

5 жніўня ў эфіры Еўрарадыё — археолаг, даследчык гісторыі Полацкага княства, пісьменнік Сяргей Тарасаў.

У людзей, у якіх няма ведаў пра гісторыю сваёй краіны, няма ўнутранай адказнасці за яе будучыню і дзень сённяшні, няма свайго гонару, перакананы Сяргей Тарасаў.

Пра тое, як прыйсці да разумення таго, што без ведання мінулага — няма будучыні, пра неабходнасць ведаў мы і разважаем у праграме “Ідэя Х” з Сяргеем Тарасавым.

Закрыты суд над палітзняволенымі Марыяй Калеснікавай і Максімам Знакам, затрыманне філосафа Уладзіміра Мацкевіча і сацыёлага Таццяны Вадалажскай, загінулы паблізу беларуска-літоўскай мяжы мігрант з Ірака, скандал з бягухай Крысцінай Ціманоўскай і вяртанне Святланы Ціханоўскай з ЗША — усё гэта здарылася фактычна за некалькі апошніх дзён. І пакінула шмат пытанняў наконт уплыву гэтых падзей на Беларусь і беларусаў.

Чым пагражае скончыцца міграцыйны крызіс на беларуска-літоўскай мяжы? Што дэманструе “кейс Ціманоўскай” і што чакае экспертную супольнасць Беларусі? З чым беларускі рэжым падыходзіць да гадавіны пачатку беларускіх пратэстаў? Гэтыя ды іншыя актуальныя тэмы і падзеі ў Беларусі і свеце абмяркоўваем з палітычным аналітыкам Арцёмам Шрайбманам.

210804 - ZOOM - У Мінску пачаўся суд над Марыяй Калеснікавай і Максімам Знакам by Euroradio

Беларусь не сыходзіць з першых старонак сусветных СМІ. Беларускія ўлады працягваюць рабіць памылкі, а нават калі не — дык негатыўныя падзеі, якія адбываюцца вакол Беларусі, адразу ж звязваюцца з іх дзеяннямі. Што ж, яны працавалі на такі імідж цэлы год. А калі шырэй, дык і ўсю апошнюю чвэрць стагоддзя.

Выгнанне Крысціны Ціманоўскай з Алімпіяды і рэакцыя свету на гэта. Смерць кіраўніка Беларускага дома ва Украіне Віталя Шышова. Інцыдэнт са збітым мігрантам на мяжы з Літвой. "Вялікая размова", якую Аляксандр Лукашэнка праводзіць у пятніцу — з кім і пра што ён будзе размаўляць? Пра усё гэта пагаворым з незалежным аналітыкам Сяргеем Чалым на Youtube-канале Еўрарадыё. Будзем расшыфроўваць галоўныя падзеі, заявы і сэнсы тыдня. Будзе цікава!