Дзесяць беларусаў падалі ў нямецкую пракуратуру заявы пра тое, што Аляксандр Лукашэнка здзейсніў злачынствы супраць чалавечнасці. Расследаваць справу будуць у межах універсальнай юрысдыкцыі. Прэцэдэнт такога расследавання ў Нямеччыне ўжо ёсць — яно праводзілася ў дачыненні да рэжыму Башара Асада ў Сірыі.

Але Асад жыве, у вус не дуе і працягвае кіраваць Сірыяй. А пра расследаванне па падобных заявах, пададзеных летась у генпракуратуру Літвы, нешта нічога не чуваць. Ці ёсць рэальныя перспектывы ў такіх заяваў?

Размаўляем пра гэта з Уладзімірам Астапенкам, прадстаўніком НАУ, адказным за шматбаковую дыпламатыю.

6 траўня ў эфіры Еўрарадыё — выкладчыца польскай мовы Цэнтра славянскіх моў і культур Аліна Агрэніч.

Так атрымалася, што беларуская нацыя прыйшла да сітуацыі, калі беларусамі не столькі нараджаюцца, колькі становяцца. Не па пашпарце беларусамі, а сапраўднымі. Тымі, для каго Беларусь не проста месца прапіскі ці жыхарства ў цяперашні момант, а — Айчына. Са сваёй мовай, культурай, традыцыямі, гісторыяй і сваімі нацыянальнымі сімваламі. І прыняццем таго факта, што “на Беларусі Бог жыве”, перакананая Аліна Агрэніч.

Пра тое, як нацыі, якая жыве на скрыжаванні некалькіх культур, захаваць сваю адметнасць і чаму сёння нам так важна верыць у любоў і праўду, мы і разважаем у праграме “Ідэя Х” з Алінай Агрэніч.

У час вайны на тэрыторыі сучаснага мікрараёна Масюкоўшчына ў Мінску размяшчаўся адзін з самых вялікіх у Беларусі нямецкіх канцлагераў для ваеннапалонных Stalag 352. У ім загінула каля 80 000 чалавек. З тых часоў на яго тэрыторыі засталіся будынкі рознай ступені разбуранасці. Актывісты суполкі "Захаваем Масюкоўшчыну" спрабуюць захаваць пабудовы ў памяць пра загінулых.

Хлопцы і дзяўчаты запускаюць інтэрактыўны сайт, прысвечаны лагеру. Расказ пра жыццё ваеннапалонных будуецца вакол гісторыі лекара, якога забілі ў час аказання дапамогі.

8 траўня ў 11:00 ахвотныя могуць далучыцца да экскурсіі па былым лагеры, у час якой валанцёры "Захаваем Масюкоўшчыну" прэзентуюць сваю працу.

Больш падрабязна пра праект расказвае госця Еўрарадыё, аўтарка мультымедыя Марыя Іванова.

5 траўня ў гасцях у праграмы “Неверагодныя” — вядоўца разнастайных беларускамоўных святаў без цэнзуры, беларускі маршалак, вядомы многім як Вясёлы Шляхцюк, Васіль Грыбоўскі.

Наколькі запатрабаваная беларуская мова ў івэнт-індустрыі і на сямейных святах? Чаму не кожны беларус адважыцца на беларускую мову ў час уласных урачыстасцяў і як уплывае на гэта час? Як беларускую мову ўспрымаюць замежнікі, якія трапляюць на нашыя імпрэзы? Пра гэта і не толькі размаўляем у восьмым выпуску праграмы.

210505 - PETARDA - На Лукашэнку падалі заяву ў пракуратуру Германіі by Euroradio

210505 - ZOOM - Беларускага айцішніка “Белавія” не пусціла ў Польшчу — у чым справа? by Euroradio

28 лютага 2020 года славуты баяніст і кампазітар Ягор Забелаў выпусціў свой першы сольны альбом "NITI", які праз каранавірус не быў прадстаўлены шырокай публіцы. 6 траўня Ягор прадставіць LP у культурніцкім цэнтры "Корпус".

А ў музычнай рубрыцы "Такога вы не чулі" Ягор сыграе некалькі сваіх новых твораў, некаторыя з якіх працягваюць альбом, а некаторыя нарадзіліся "з пустаты", кажа музыка. А яшчэ Ягор распавядае пра свой 2020-ы, за які яму давялося стаць барыста і вывучыцца на гукаінжынера.

У цэнтры Мінска адкрываецца крыты скейтпарк "Магістр". Велізарнае памяшканне былой абутковай фабрыкі абсталявана разнастайнымі фігурамі пад узровень катання любой складанасці. Парк разлічаны на людзей, якія катаюцца на скейтбордах, BMX, роліках, самакатах. А яшчэ ў ім ёсць буфет і пакой для адпачынку.

"Марыў пра гэта з першай зімы, калі каталіся ў пераходзе", — прызнаецца адзін са стваральнікаў парку — госць Еўрарадыё, прадстаўнік каманды FAMILY SKATEBOARDS Вадзік Раманцоў.

Хлопцу 24 гады. 14 з іх ён прафесійна катаецца на скейтбордзе. Вадзік — неаднаразовы чэмпіён Беларусі па скейтбордынгу, пераможца шматлікіх міжнародных спаборніцтваў.

210504 - PETARDA - Валерый Цапкала назваў дзень і час, калі раскажа пра "схемы Лукашэнкі" by Euroradio

210504 - ZOOM - Лукашэнка чарговы раз прызгазіў еўрапейцам з нагоды санкцый by Euroradio