Пераслед і рэпрэсіі ўзмацняюцца ў Беларусі штодня. Паказальнымі прысудамі і вялікімі тэрмінамі ўлада нібыта дэманструе сваю перамогу над пратэставымі настроямі. Не забываючы на фоне ўзмацнення заходніх санкцый ледзь не штохвілінна кланяцца ў бок Крамля і клясціся ў вечным сяброўстве. А рэформа Канстытуцыі… ну, яна будзе, але пазней.

Ці атрымалася ў прыхільнікаў Лукашэнкі пераканаць сябе ў перамозе над пратэстамі? Ці варта чакаць ад Крамля, што тэма транзіту ўлады ад Лукашэнкі застанецца для іх важнай? Ці здольны Захад паўплываць на сітуацыю ў Беларусі? На гэтыя ды іншыя пытанні адказвае палітычны аналітык Арцём Шрайбман

19 лютага на сувязі з вядучымі "Стартапніцы" Дар'я Рэўтовіч. Пяць гадоў таму яна з'ехала ў Нідэрланды і пайшла на практыку ў акселератар Rockstart. Цяпер Дар'я — аперацыйны дырэктар гэтага акселя!

Пагаворым пра тое, як акселератар змяняе жыццё грамадства вакол сябе, як супрацоўнічае з дзяржавай і карпарацыямі і як штурхае кансерватыўную Еўропу да будучыні!

Жорсткія прысуды журналісткам Белсата і суд над журналісткай TUT.by Кацярынай Барысевіч, ператрусы і пераслед праваабаронцаў, рэпрэсіі ў дачыненні да ўсіх нязгодных з дзеяннямі ўлады — усё гэта “звычайнае” і штодзённае жыццё сённяшняй Беларусі. І тэмы артыкулаў у сусветных СМІ.

Ці атрымалася ва ўлады цалкам збіць пратэставыя настроі ў грамадстве? Прысудамі журналісткам атрымаецца напалохаць жанчын Беларусі? Ці час цяпер для разваг пра рэформу адукацыі новай Беларусі? На гэтыя ды іншыя пытанні адказвае кандыдатка філасофскіх навук, кіраўніца канцэнтрацыі “Сучаснае грамадства, этыка і палітыка”, суарганізатарка фем-групы Каардынацыйнай ра

За стрым, які яны ў лістападзе 2020-га вялі з "Плошчы Перамен" у Мінску падчас разгону мірнай вулічнай акцыі памяці забітага пратэстоўца Рамана Бандарэнкі, 27-гадовую Кацярыну Андрэеву і 23-гадовую Дар'ю Чульцову на два гады адправілі ў калонію агульнага рэжыму. Іх прызналі вінаватымі ў "арганізацыі і падрыхтоўцы дзеянняў, якія груба парушаюць грамадскі парадак". З навіной пра гэты прысуд выйшлі практычна ўсе сусветныя СМІ.

Ці былі чаканні апраўдальнага прысуду? Што стаіць за такім жорсткім прысудам? Ці спрацуе тактыка запалохвання? На гэтыя ды іншыя пытанні адказвае муж Кацярыны Андрэевай журналіст Ігар Ільяш.

210218 - ZOOM - Чаму ўлады пачалі разглядаць гучныя крымінальныя справы менавіта цяпер? by Euroradio

210218 - PETARDA - Журналістак Кацярыну Андрэеву і Дар'ю Чульцову на 2 гады адправілі ў калонію by Euroradio

“Несанкцыянаванае масавае мерапрыемства з выкарыстаннем бчб-сімволікі актывістаў дэструктыўных тэлеграм-каналаў”, якое праходзіла на турбазе "Аганёк" пад Смалявічамі, гераічна сарвалі супрацоўнікі АМАП 13 лютага. Былі затрыманыя 68 чалавек, сярод якіх удзельнікі гурта "Разбітае сэрца пацана", менеджарка каманды Настасся Доль, спявачка LEAR, удзельнікі гуртоў Panska Moc і Ok-Band. Усе “пацаны” ў выніку атрымалі па 15 сутак. Як і шмат хто з іншых удзельнікаў і наведвальнікаў мерапрыемства.

Што на самай справе адбывалася на турбазе "Аганёк" пад Смалявічамі і пры чым тут “дэструктыўныя тэлеграм-каналы”? Ці былі нечаканымі прысуды ўдзельнікам таго “несанкцыянаванага масавага мерапрыемства”? Які працяг мела гісторыя з затрыманнем і судамі над музыкамі? На гэтыя ды іншыя пытанні адказвае менеджарка гурта "Разбітае сэрца пацана" Настасся Доль.

18 лютага ў эфіры Еўрарадыё — пісьменнік, кандыдат у прэзідэнты на выбарах 2010 года Улядзімір Някляеў.

Вокліч “Жыве Беларусь!” апошнія месяцы гучыць усюды ў Беларусі. Але часцяком у вачах тых, хто гэтыя словы прамаўляе, нічога, апроч гэтага крыку, няма. Таму сёння вельмі важна напоўніць чалавека разуменнем таго, што ёсць Беларусь і чаму яна “перадусім”. Толькі зрабіць гэта больш складана, чым напоўніць халадзільнікі беларусаў калбасой, перакананы Улядзімір Някляеў.

Пра тое, як давесці да кожнага каштоўнасць Беларусі, навошта сучасным грамадзянам краіны мова, культура і гістарычная спадчына, мы і разважаем у праграме “Ідэя Х” з Уладзімірам Някляевым.

Словы пра адмову ад нейтралітэту, якія прагучалі падчас Усебеларускага сходу, сталі нагодай для спрэчак пра тое, ці будуць цяпер беларускіх вайскоўцаў адпраўляць у “гарачыя кропкі”. Дый увогуле, да таго, як і дзе выкарыстоўваюць вайскоўцаў, у беларускага грамадства шмат пытанняў. Як, да прыкладу, з сітуацыяй удзелу байцоў войскаў спецыяльнага прызначэння ў разгонах пратэстаў.

Ці стане адмова ад нейтральнага статусу нагодай для ўдзелу беларускіх вайскоўцаў у замежных ваенных кампаніях расійскай арміі? Ці законна вайскоўцы бралі ўдзел у разгонах пратэстаў? Як сталася, што вайсковец, які застрэліў Шутава, стаўся пацярпелым? На гэтыя ды іншыя пытанні адказвае ваенны эксперт Ягор Лебядок.

Музыка стала неад’емнай часткай працэсу абуджэння беларускага грамадства, якое мы назіраем апошнія паўгода. Шмат хто са дзіўленнем адкрыў для сябе багацце айчыннай беларускай культуры, на якую раней практычна не звярталі ўвагі. А самі дзеячы культуры пачалі размову пра неабходнасць распрацоўкі планаў па рэфармаванні сферы культуры.

Як працэсы ў беларускім грамадстве паўплывалі на айчынную музыку? Рэпрэсіі знішчаць ці ўзмоцняць творчы патэнцыял беларусаў? Ці патрэбныя беларускай культуры рэформы і якія? На гэтыя ды іншыя пытанні адказвае дудар, майстар па вырабе музычных інструментаў Дзяніс Сухі.