Колькасць людзей, якія з’ехалі з Беларусі за апошнія паўтара месяца, ідзе ўжо на сотні. І гэта не тыя людзі, якія выправіліся на чужыну ў пошуках лепшай долі. Для пераважнай большасці такі крок быў вымушаным, ён стаў вынікам рэпрэсій і пагроз крымінальнага пераследу за актыўную грамадзянскую пазіцыю.

Што стала прычынай раптоўнага ад’езду з краіны Анастасіі Шпакоўскай? Ці лёгка было прыняць такое рашэнне? Як яе сустрэла чужына і якія планы на будучае мае музыкантка?

На гэтыя ды іншыя пытанні ў жывым эфіры Еўрарадыё адказвае спявачка, лідарка гурта NAKA Анастасія Шпакоўская.

“Пытаннечкі” са Змітром Лукашуком — гэта шчырая размова пра значныя падзеі ў краіне за тыдзень. У чарговым выпуску праграмы — бронзавая прызёрка чэмпіянату Еўропы, чэмпіёнка Заходняй канферэнцыі жаночай NBA, фіналістка WNBA, удзельніца дзвюх Алімпіяд Алена Леўчанка, заслужаны майстар спорту па лёгкай атлетыцы, срэбны прызёр Алімпійскіх гульняў, чэмпіён Еўропы і шматразовы прызёр чэмпіянатаў свету Андрэй Краўчанка, майстар спорту міжнароднага класа па кікбоксінгу, двухразовы срэбны прызёр чэмпіянатаў свету, пераможца і прызёр кубкаў свету Іван Ганін.

Якія пагрозы і ад каго атрымлівалі спартоўцы? Хто той таемны “Максім”, які не дае спакою Алене Леўчанка? Ці можа спорт (і спартсмены) быць па-за палітыкай? Чаму для спартсменаў грамадзянская пазіцыя важнейшая за кар’еру? Адказы ў размове з рэдактарам Еўрарадыё Змітром Лукашуком.

200923 - PETARDA - Таемная інаўгурацыя: Лукашэнка прыняў прысягу by Euroradio

200923 - ZOOM - Лукашэнка раптоўна правёў інаўгурацыю, людзі выйшлі на вуліцы пратэставаць by Euroradio

Раніцай 23 верасня ў рэжыме “жэстачайшай” сакрэтнасці Аляксандр Лукашэнка правёў інаўгурацыю. Прычым сакрэтнасць была такой, што нават намёку на правядзенне ўрачыстай працэдуры ў гэты дзень не выйшла за межы вузкага кола запрошаных на дадзенае мерапрыемства.

Чаму інаўгурацыю вырашана было праводзіць у рэжыме сакрэтнасці? Што новы статус Лукашэнкі мяняе як для беларусаў, так і для міжнароднай супольнасці? Якіх дзеянняў цяпер варта чакаць ад улады ў дачыненні да сваіх апанентаў і нязгодных на вуліцах?

На гэтыя ды іншыя пытанні ў жывым эфіры Еўрарадыё адказвае палітычны аглядальнік Валерый Карбалевіч.

“Пытаннечкі” са Змітром Лукашуком — гэта шчырая размова пра значныя падзеі ў краіне за тыдзень. У чарговым выпуску праграмы — адзіная “народная абранніца”, якая звярнулася да выбаршчыкаў з просьбай адклікаць яе, дэпутатка Мінгарсавета Вольга Цесакова.

Чаму яна больш не жадае быць дэпутатам і чаму не паклала на стол дэпутацкае пасведчанне, а звярнулася да выбаршчыкаў, каб “забралі яе з дэпутатаў”? Як ставяцца калегі Цесаковай па Мінгарсавеце да таго, што адбываецца ў краіне? Ці спрабавала Вольга данесці сваю пазіцыю да астатніх дэпутатаў і ці можа дэпутат Мінгарсавета патрабаваць расследаванне фактаў перавышэння праваахоўнікамі сваіх паўнамоцтваў? Адказы ў размове з рэдактарам Еўрарадыё Змітром Лукашуком.

200922 - PETARDA - ЕС абмяркоўвае чатыры крокі ў адказ на дзеянні ўладаў Беларусі by Euroradio

200922 - ZOOM - Беларускія спаротоўцы выступілі супраць ціску чыноўнікаў by Euroradio

Сяброў Каардынацыйнай рады Івана Краўцова і Антона Радненкова фактычна “выпхнулі” з Беларусі ва Украіну. Разам з імі прадстаўнікі сілавых структур спрабавалі выправіць і Марыю Калеснікаву, але ў выпадку з ёй, як кажуць, нешта пайшло не так… Цяпер Калеснікава на радзіме, але за кратамі, а Краўцоў і Радненкоў на свабодзе, але — у вымушанай эміграцыі.

Чаму беларускай уладзе так важна было выправіць іх з краіны? Ці магчыма браць удзел у працы Каардынацыйнай рады з-за мяжы і ці разглядаюць сябры КР варыянты вяртання ў Беларусь?

На гэтыя ды іншыя пытанні ў жывым эфіры Еўрарадыё адказвае выканаўчы сакратар Каардынацыйнай рады Іван Краўцоў.

Пра тое, што сёлетнія пратэсты ў Беларусі не падобныя ні да ўкраінскага Майдану, ні да ранейшых падзей у Егіпце, Арменіі ці Расіі, ужо казалі практычна ўсе эксперты, палітолагі і аналітыкі. Але ёсць меркаванне, што, незалежна ад выніку беларускіх пратэстаў, яны ўжо маюць сусветна-гістарычнае значэнне.

Чым адрозныя пратэсты ў Беларусі ад усіх папярэдніх у іншых краінах? У чым іх гістарычнасць? Якой можа быць рэакцыя расійскага кіраўніцтва на палітычную сітуацыю ў Беларусі?

На гэтыя ды іншыя пытанні ў 14:00 у жывым эфіры Еўрарадыё адказвае прафесар, доктар гістарычных навук Андрэй Зубаў.