17 ліпеня размаўляем у "Стартапніцы" пра беларускі hardware-сектар. Як ператварыць інжынерны праект у прататып? Чаго не хапае беларускаму hardware? Ці ўвогуле заўважная сучасная беларуская электроніка на карце свету? І ў чым асаблівасці акселератара, прысвечанага менавіта hardware?

На сувязі з Еўрарадыё заснавальнік і генеральны дырэктар дызайн-цэнтра электронікі Promwad, фаўндар і ментар Bridgio Tech Accelerator Раман Пахолкаў. А ў нашай студыі яго партнёр і BDM акселя Леанід Гасан.

Удзел у прэзідэнцкіх выбарах скончыўся для прэтэндэнта ў прэзідэнты Віктара Бабарыкі і кіраўніка яго выбарчага штаба Эдуарда Бабарыкі затрыманнем і крымінальнай справай. Але на гэтым непрыемнасці не скончыліся: дзяржаўнае тэлебачанне прысвяціла Бабарыку і яго сям’і свае “расследаванні”.

Як паставілася да намеру Эдуарда ўдзельнічаць у выбарчай кампаніі яго бацькі і ці для яе стала нечаканасцю такая рэакцыя ўлады на паспяховасць гэтай кампаніі? Як змянілася яе жыццё пасля затрымання Эдуарда і Віктара Бабарыкаў? Якую рэакцыю выклікалі “расследаванні” дзяўжаўных тэлеканалаў, прысвечаныя Віктару Бабарыку?

На гэтыя ды іншыя пытанні ў жывым эфіры Еўрарадыё адказвае дзяўчына Эдуарда Бабарыкі Аляксандра Зверава.

Улады паступова і метадычна выбілі з выбарчай кампаніі самых актыўных і небяспечных яе ўдзельнікаў. Пачаўшы з затрымання Сяргея Ціханоўскага і яго прыхільнікаў, працягнулі адмовіўшы ў рэгістрацыі Віктару Бабарыку і Валерыю Цапкалу. “Размазаўшы” такім чынам пратэставыя настроі па часе.

Ці атрымаецца такім чынам канчаткова збіць напал эмоцый і пратэставыя настроі? Ці стане вынік выбараў “піравай перамогай” для дзейнага кіраўніка краіны? Ці існуе небяспека таго, што выбарамі і іх вынікам скарыстаюцца знешнія гульцы і якія пагрозы Беларусі гэта нясе?

На гэтыя ды іншыя пытанні ў жывым эфіры Еўрарадыё адказвае палітычны аналітык Арцём Шрайбман.

Да рашэнняў Цэнтрвыбаркама і выбарчых камісій, якія правяралі сабраныя за прэтэндэнтаў у прэзідэнты подпісы, шмат прэтэнзій і пытанняў. Каб даведацца пазіцыю ЦВК, мы звярнуліся па адказы да яе старшыні Лідзіі Ярмошынай.

Ці апраўданая адмова ў рэгістрацыі Віктара Бабарыкі на падставе абвінавачанняў, не пацверджаных судом? Ці можна ўжо сёння акрэдытавацца ў якасці назіральніка? Ці можна гаварыць, што выбарчая кампанія ідзе сумленна і ўсе яе ўдзельнікі знаходзяцца ў роўных умовах? Ці будзе празрысты падлік галасоў?

На гэтыя ды іншыя пытанні ў жывым эфіры Еўрарадыё адказвае старшыня Цэнтрвыбаркама Лідзія Ярмошына.

“Пытаннечкі” са Змітром Лукашуком — гэта шчырая размова з кандыдатамі ў прэзідэнты і ўдзельнікамі выбарчай кампаніі 2020 года. У другім выпуску праграмы — прадстаўніца штаба Віктара Бабарыкі Марыя Калеснікава.

Ці не запозна было прынятае рашэнне пра аб’яднанне намаганняў трох штабоў — Віктара Бабарыкі, Святланы Ціханоўскай і Валерыя Цапкалы? Якім чынам удзел у выбарчай кампаніі дапаможа вызваліць палітвязняў? Ці не будзе гэта аб’яднанне прыгожым, але не больш, чым сімвалічным дзеяннем? Ці гатовыя жанчыны ўзяць на сябе адказнасць за будучыню Беларусі? Адказы ў размове з рэдактарам Еўрарадыё Змітром Лукашуком.

200716 - ZOOM - Чым горшыя стасункі Беларусі з Захадам — тым больш рэпрэсій? Разважаюць эксперты by Euroradio

200716 - PETARDA - Штабы Святланы Ціханоўскай, В. Бабарыкі і В. Цапкалы аб'явілі пра аб'яднанне. by Euroradio

На прэзідэнцкую кампанію ўплывае не толькі тое, якія кандыдаты і палітычныя сілы бяруць у ёй удзел, і тое, якія настроі пануюць у беларускім грамадстве. На выбары ўплываюць і такія фактары, як знешняя палітыка ды бяспека.

Як знешняя палітыка Беларусі ўплывае на ўнутрыпалітычныя працэсы ў нашай краіне? Як змянілася сітуацыя ў сферы нацыянальнай і рэгіянальнай бяспекі і як гэта ўплывае на выбарчую кампанію? Як будзе развівацца сітуацыя на галоўных знешнепалітычных кірунках у залежнасці ад вынікаў выбараў?

На гэтыя ды іншыя пытанні ў жывым эфіры Еўрарадыё адказваюць дырэктар Савета па міжнародных адносінах “Мінскі дыялог” Яўген Прэйгерман і каардынатар праграмы “Знешняя палітыка Беларусі” Савета па міжнародных адносінах “Мінскі дыялог” Дзяніс Мельянцоў.

16 ліпеня госць Еўрарадыё — спецыяліст у сферы этнаастраноміі, магістр гістарычных навук, даследчык гарадскога фальклору пачатку XX стагоддзя Цімафей Авілін.

Беларускае грамадства падзеленае, але гэта не той рэзкі падзел, калі паміж людзьмі нібыта паўстае непераадольная сцяна. Мы як дзве плыні адной ракі, якія то цякуць паасобку, то праз нейкі час змешваюцца, кажа Цімафей Авілін. Праўда, нават такі падзел перашкаджае беларусам сфармуляваць сваю нацыянальную ідэю.

Пра тое, як нарэшце беларусам пазбавіцца падзелу і ці дапамогуць нам у гэтым зоры, мы і разважаем у чарговым выпуску "Ідэі Х" з Цімафеем Авіліным.

Вынікам адмовы ў рэгістрацыі кандыдатамі ў прэзідэнты Віктара Бабарыкі і Валерыя Цапкалы сталі вулічныя акцыі пратэсту. Іх нельга назваць масавымі, але відавочна, што эмоцыі ў людзей часам зашкальваюць. А дзеянні сілавікоў выклікаюць супраціў.

У чым прычына радыкалізацыі пратэстаў і ці атрымаецца разгонамі напалохаць новую генерацыю прыхільнікаў перамен? Ці няма сярод тых, хто аказвае супраціў амапаўцам і “невядомым” у цывільным правакатараў? Ці заўважнае ўмяшанне ў беларускія выбары Расіі?

На гэтыя ды іншыя пытанні ў жывым эфіры Еўрарадыё адказвае намеснік кіраўніка Цэнтра стратэгічных і знешнепалітычных даследаванняў Юрый Царык.