Стартап-студыя — параўнальна новы спосаб арганізацыі бізнеса ў экасістэме стартапаў. Каманда прафесіяналаў ацэньвае ідэі і запрашае прафесіяналаў развіваць праект, застаючыся яго фаўндарамі. Як гэта працуе, якія падводныя камяні, ці магчыма такое ў Беларусі? Распавядае Макс Грыгор'еў са стартап-студыі Wilbur Labs.

У канцы 2019 года Беларусь і Расія дамовіліся пра кошты на прыродны газ і заключылі кантракты на яго пастаўку. Праўда, толькі на два першыя месяцы 2020 года. На гэты перыяд кошт газу для Беларусі захаваецца на ўзроўні 2019 года — 127 долараў за тысячу кубаметраў. Адначасова стала вядома, што РУП "Мінскэнерга" абавязалі навучыць работнікаў выкарыстоўваць мазут замест газу, які звычайна ў Беларусі прымяняюць на ЦЭЦ.

Што насамрэч стаіць за намерам перавесці кацельныя з газу на мазут? Ці можна гэта лічыць крокам да энергетычнай незалежнасці Беларусі? Якія негатыўныя наступствы магчымыя ад пераводу ЦЭЦ на мазут?

На гэтыя ды іншыя пытанні ў жывым эфіры Еўрарадыё адказвае Уладзімір Мацкевіч.

Не паспелі беларусы паўдзельнічаць ва ўрачыстым перапахаванні Кастуся Каліноўскага, наведаць адкрыццё помніка Гедыміну ў Лідзе і Льву Сапегу ў Слоніме, як чарговая навіна — неўзабаве ў Мінску плануецца адкрыццё мемарыяльнай дошкі Васілю Быкаву. Адначасова стала вядома, што найбліжэйшым часам адбудзецца перапахаванне на радзіме Змітрака Бядулі.

Хто стаў ініцыятарам усталявання дошкі ў гонар Быкава і перапахавання Бядулі? Ці складана было атрымаць згоду ўладаў на гэта? Хто фінансуе такія культурніцкія праекты?

На гэтыя ды іншыя пытанні ў жывым эфіры Еўрарадыё адказвае старшыня таварыства беларусаў Швейцарыі, кіраўнік Фонду імя Магдалены Радзівіл Аляксандр Сапега.

200109 - PETARDA - Экс-дэпутатка Ганна Канапацкая ўладкавалася на новую працу. Што наконт заробку? by Euroradio

200109 - ZOOM - Пачаўся збор грошай на штрафы для абаронцаў незалежнасці by Euroradio

У складаных сітуацыях менавіта незалежныя прафсаюзы — апошнія, хто здольны дапамагчы рабочаму чалавеку. Калі некага беспадстаўна звольнілі, не выплачваюць заробак ці нейкім чынам парушаюцца правы рабочых. Але чамусьці менавіта за гэтую праваабарончую дзейнасць беларускія ўлады такія незалежныя прафсаюзы і не любяць.

Чым адметны быў 2019 год для дзейнасці незалежнага прафсаюза работнікаў радыёэлектроннай прамысловасці? Ці атрымліваецца ў юрыстаў РЭП годна бараніць правы рабочых у судах? Ці змянілася стаўленне ўладаў да незалежных прафсаюзаў і РЭП у прыватнасці?

На гэтыя ды іншыя пытанні ў жывым эфіры Еўрарадыё адказвае сябра савета прафсаюза работнікаў РЭП Андрэй Стрыжак.

Якія мы, беларусы, і што робіць нас тымі, кім мы ёсць? Мы "тутэйшыя", "рускія са знакам якасці" ці ўсё ж зусім іншыя і гэта не пра нас? Як стаць беларусам? І ці абавязкова нацыя мусіць імкнуцца да нацыянальнай велічы? Нягледзячы на розныя глабалізацыі ды паглыбленні інтэграцый, гэтыя пытанні, пошук адказаў на іх становяцца ўсё больш актуальнымі. Пра гэта ўсё і разважаем у чарговым выпуску "Ідэі Х" з Ігарам Скарыніным.

Кіраўнік Беларусі неаднаразова заяўляў, што, калі ўзнікне такая патрэба, — ён першы возьме зброю ў рукі і пойдзе бараніць краіну ад знешняга агрэсара. Ну а пра неабходнасць "трымаць порах сухім" ён і ўвогуле нагадвае ледзь не на кожнай нарадзе з сілавікамі.

Ці ўстане на абарону незалежнасці Беларусі следам за Галоўнакамандуючым і беларуская армія? Ці гатовы беларускія вайскоўцы да сучасных метадаў вядзення баявых дзеянняў і супрацьстаяння гібрыднай агрэсіі? А калі небяспека будзе ісці з усходу?

На гэтыя ды іншыя пытанні ў жывым эфіры Еўрарадыё адказвае ваенны эксперт Ягор Лебядок.

200108 - PETARDA - Візы для беларусаў патаннеюць да 35 еўра by Euroradio

200108 - ZOOM - Украінскі самалёт з 167 пасажырамі на борце разбіўся ў Іране by Euroradio