191220 - ZOOM - Нафта, газ, падаткі: 20 снежня Пуцін і Лукашэнка ізноў не дамовіліся by Euroradio

адчас прэс-канферэнцыі 19 снежня прэзідэнт Расіі Уладзімір Пуцін заявіў, што даціраваць Беларусь праз зніжэнне кошту на газ Масква не гатовая. Маўляў, калі для Беларусі газ будзе па "смаленскім" кошце, то гэта азначае, што Расіі фактычна будзе даціраваць усю беларускую эканоміку. Гэта магчыма, але толькі ў выпадку "завяршэння саюзнага будаўніцтва", "стварэння наднацыянальных органаў", увядзення адзінай валюты і гэтак далей.

Чаму тэма ўжо, здавалася, памерлай Саюзнай дзяржавы ўвогуле так нечакана ўзнікла? Ці звязаныя цэны на расійскія энерганосьбіты для Беларусі з інтэграцыйнымі працэсамі? Ці можна расійскія крэдыты называць "датацыяй"? Ці атрымаецца ў Мінска гэтым разам адбіцца ад шлюбных закідаў Крамля?

На гэтыя ды іншыя пытанні ў жывым эфіры Еўрарадыё адказвае эканаміст Сяргей Чалы.

26 снежня ў Купалаўскім тэатры прэм’ера спектакля паводле Шэкспіра — “Кароль Лір”. У пастаноўцы задзейнічаны практычна ўвесь мужчынскі акцёрскі склад тэатра, прызнаваўся мастацкі кіраўнік і рэжысёр Мікалай Пінігін. Галоўную ролю выконвае народны артыст Беларусі Віктар Манаеў.

Сюжэт даволі просты: выхаваўшы трох дачок, кароль Лір, стаміўшыся ад праўлення, дзеліць дзяржаву на часткі і аддае карону. Стомлены і знясілены ўладар хоча дажыць свае дні ў любові. Але нашчадкі пастанаўляюць інакш. Новае пакаленне пераймае ўладу, адмаўляючыся ад роднага бацькі і старога караля. Цяпер ён выгнаннік у голым полі, дзе ад колішняй велічы засталіся адно цьмяныя ўспаміны. Паволі перад Лірам паўстае жудасная карціна чалавечага крывадушша і сквапнасці.

П’есы Уільяма Шэкспіра — універсальныя гісторыі, якія працягваюць задаваць людзям важныя пытанні пра іх сутнасць. Рэжысёр Мікалай Пінігін гэтым разам паспрабуе задаць такія пытанні беларускай публіцы. Пытанні пра самаўпэўненасць, прагу спагады, віну, крыўду і мяжу вар’яцтва. Усё гэта — “Кароль Лір”.

У трансляцыі Еўрарадыё Мікалай Пінігін паспрабуе расказаць пра тонкасці і складанасці пастановак па Шэкспіру. Чаго чакаць ад новай пастаноўкі? Ці не састарэў Шэкспір для сучаснага гледача? Ці адаптавалася неяк пад сучаснасць арыгінальная п’еса? Што складанага было падчас падрыхтоўкі спектакля?

191219 - PETARDA - "Гэта дзіўнавата": што сказаў Пуцін пра інтэграцыю з Беларуссю by Euroradio

191219 - ZOOM - Антыінтэграцыйныя мітынгі ўжо праходзяць не ў падтрымку Аляксандра Лукашэнкі? by Euroradio

19 снежня госць Еўрарадыё — філолаг, перакладчык, грамадскі дзеяч Сяргей Шупа.

Філолага і перакладчыка Сяргея Шупу не без прычыны называюць даследчыкам Беларускай Народнай Рэспублікі. Ён шмат часу аддаў вывучэнню архіўных дакументаў, звязаных з БНР, газет і часопісаў таго часу, успамінаў і проста базавай гістарычнай інфармацыі. Вынікам такой працы Сяргея Шупы стала кніга "Падарожжа ў БНР".

Між тым шмат хто з папярэдніх удзельнікаў праграмы "Ідэя Х" сцвярджалі, што менавіта заснавальнікі Беларускай Народнай Рэспублікі і сфармулявалі беларускую нацыянальную ідэю, актуальную да сёння. Ці што сама БНР і была такой ідэяй. У такім выпадку каго, як не даследчыка БНР, клікаць у студыю Еўрарадыё для пошуку нацыянальнай ідэі?

На 20 снежня, дзень чарговай сустрэчы Аляксандра Лукашэнкі і Уладзіміра Пуціна, апазіцыя прызначыла чарговую акцыю, скіраваную супраць паглыблення інтэграцыі Беларусі і Расіі. І калі акцыю 7 снежня праўладныя каментатары назвалі "акцыяй у падтрымку Аляксандра Лукашэнкі на перамовах з Пуціным", то на гэтую адрэагавалі зусім інакш. Цяпер усе, хто выйдзе на акцыю, ужо не кіраўніка Беларусі будуць падтрымліваць, а "псаваць дзецям свята", "адпрацоўваць штурмавыя навыкі" і гэтак далей.

Чаму апазіцыя прызначыла месца і час для свайго пратэсту менавіта ў тым месцы і ў той час, калі будуць святкаваць дзеці? Ці прадумвалі арганізатары акцыі меры бяспекі? Пра што сведчыць затрыманне шэрагу апазіцыйных лідараў напярэдадні акцыі?

На гэтыя ды іншыя пытанні ў жывым эфіры Еўрарадыё адказвае намеснік старшыні Беларускай сацыял-дэмакратычнай партыі сябра аргкамітэта антыінтэграцыйнай акцыі 20 снежня Алесь Арастовіч.

21 снежня ў ДК МАЗ адбудзецца прэм'ера навагодняга мюзікла "Дзінь-Дон. Я ваша мама!". Адзінаццаць дарослых і дваццаць пяць маленькіх артыстаў аб'ядналіся ў тэатральным праекце "МюзікЛэнд", каб прадставіць спектакль па матывах знакамітай савецка-румынскай кінаказкі "Мама" 1976 года.

19 снежня ў гасцях у Еўрарадыё — артысткі ансамбля мюзікла Аліна Зарэмба і Дар'я Путырская, вядучы артыст Нацыянальнага акадэмічнага тэатра імя Максіма Горкага, заслужаны артыст Беларусі, выканаўца ролі Ваўка ў мюзікле Сяргей Чэкерэс, а таксама кіраўнік праекта "МюзікЛэнд", прадзюсар і арт-менеджар Вольга Нікалаеўская.

Пагаворым пра будучую прэм'еру і пра тое, наколькі запатрабаваныя сёння мюзіклы ў Беларусі.

191218 - ZOOM - "Версія Гараўскага": рэальны ўдзельнік выкраданняў ці добрая кампіляцыя? by Euroradio

191218 - PETARDA - У Мінску АМАП затрымаў Паўла Севярынца by Euroradio